全城熱爆的娛樂八封新聞 & 時事趣聞 & 生活 + 趣聞
今年五月認拍拖開始，范冰冰同男友李晨就好似孖條咁，連去台灣「雷射淨膚」七粒鐘都一齊，關係親密，連月來不斷傳出范爺有咗，十月大婚，睇樓辦嫁妝，花款多多。
上星期三（二日），范冰冰冇留喺北京等睇閱兵，但就帶咗成隊兵嚟香港，喺中環 ifc巡鋪。經過之前七小時深層「淨膚」，是日冰冰只係戴超戴帽冇冚 mask，其間俾李晨拖住攬膊，嘟嘴笑晒。兩個主子明明好輕鬆，偏偏身邊公公扮晒盡責，莫講話《壹》仔，連行過路人舉手機影相，都擺出一副猙獰樣阻止，最終一行人仲走咗入廁所，搭貨𨋢閃。唓！仲以為佢哋想試吓喺 ifc廁所 gathering添！
以為一齊入廁所 gathering，點知原來借尿遁，搭貨𨋢閃。
做個盡責的助手：幫事頭婆揀鞋款，仲有潑婦上身阻影相。
俾人笑嚟香港辦嫁妝嘅范冰冰，有李晨呵住，開心玩頭髮。
撰文：八珍nextplus.nextmedia.com
