2015年9月10日 星期四

馬明打退唐鼓洪永城膊Friend 馬明,洪永城,馬國明,

洪永城(右)笑指馬國明好紅,要黐實對方叨光。

馬明打退唐鼓洪永城膊Friend

洪永城與唐詩詠戀情浮面後被認定一對,但近期卻出現暗湧,唐詩詠近期多次被拍得與馬國明食飯傳出「兄妹戀」!洪永城與「情敵」馬國明昨日在無綫台慶劇記者會首次碰面,兩人出奇地沒有芥蒂迴避,反而糖黐豆搭晒膊頭,十分老友。

無綫昨日在將軍澳電視城舉行「TVB 48周年台慶劇」記者會,四大台慶劇《張保仔》、《無雙譜》、《東坡家事》及《梟雄》主要演員黎耀祥、歐陽震華、田蕊妮、萬綺雯、黃宗澤、馬國明(馬明)、洪永城、陳展鵬、黃心穎等齊齊現身支持,星光熠熠。洪永城與唐詩詠被外界認定戀人關係,但最近卻傳出唐詩詠與馬明譜出「兄妺戀」,馬明多次被拍得與女方撐枱腳,唐詩詠更細心地為馬明剝蝦殼,出trip時又餵食。雖然當事人齊聲否認,但緋聞亦甚囂塵上。

馬國明:我一定贏佢

昨日記者會上,洪永城與「情敵」馬明首次碰面,兩人不但沒有尷尬迴避,反而兩位麻甩佬糖黐豆般,在台上排位影大合照時孖住企,不時傾偈。之後洪永城更搭着馬明的膊頭影相,隨後兩人影合照時又輪到馬國明搭着洪永城膊頭,二人實行以行動粉碎傳聞。

唐詩詠與洪永城被外界視為一對,但近期她經常被拍得與馬國明食飯。(資料圖片)
  • 唐詩詠與洪永城被外界視為一對,但近期她經常被拍得與馬國明食飯。(資料圖片)
馬國明笑言要黃心穎送車送樓給他。
  • 馬國明笑言要黃心穎送車送樓給他。
陳展鵬(左起)、邵美琪、陳凱琳與洪永城對《張保仔》收視有信心。
  • 陳展鵬(左起)、邵美琪、陳凱琳與洪永城對《張保仔》收視有信心。

為《梟雄》拉票的馬明受訪表示打定輸數爭視帝,但睇好主演《鬼同你OT》的前女友胡定欣攞視后。他說:「唔係感情分,係覺得佢真係進步嘅。」問他與洪永城碰面會否尷尬?他說:「冇尷尬!我仲同佢講笑,我哋《梟雄》一定贏佢《張保仔》囉!(有冇同洪永城解釋﹖)唔使解釋,大家喺呢個圈咁耐得啖笑啦。」

對於近日馬明又被傳與黃心穎撻着,兩人一齊大方受訪兼影合照,馬明笑說:「依家傳到我都唔知同邊個喇,本來今日嚟係準備答同唐詩詠嘅嘢,點知嚟到變咗黃心穎,下星期都唔知變咗邊個,當係宣傳啦。」另有指心穎送錶給馬明,馬明謂:「下次唔好送錶,係就送樓送車今次緋聞對心穎都幾好,之前同佢傳都係有老婆嘅男士,今次唔算難睇。」心穎聞言即笑說:「送都唔送畀你」

洪永城:黐埋去叨光

說到排位,洪永城認為企位沒有參考價值:「有位咪企埋去囉,唔好諗咁多,事前冇排過位,佢依家近期咁紅,梗係黐埋去,叨下佢光啦。(唔企黃心穎隔籬?)我鍾意馬明多啲!」洪永城是台慶劇《張保仔》主角之一,問他有否信心爭視帝?他說:「我有信心喺一班視帝人選度影一張selfie,自己就睇好陳展鵬。」

另外,陳展鵬昨日為新劇做訓練,故未做訪問便匆匆離去。事後他接受電話訪問,提到他很大機會憑台慶劇《張保仔》或《天眼》角逐今年視帝,他坦言一直恨演《天眼》的反派角色,亦可藉此作反面教材,作為演員希望帶給觀眾訊息及新鮮感。對於洪永城睇好他憑《天眼》攞獎,陳展鵬謂:「我同洪永城關係好密切,佢入嚟TVB同我合作最多,已經三套劇。」

文:影視組

鍾意就快D Share啦!
Related Posts Plugin for WordPress, Blogger...