2015年9月10日 星期四

合照零尷尬!馬國明有信心贏洪永城 馬國明,洪永城,



馬國明(左圖左)係話有信心佢演嘅《梟雄》贏洪永城(左圖右)演嘅《張保仔》。

next 1/1 pre

洪永城(右)見到馬國明就話佢近排好紅,即刻走上去同對方合照,話要叨一叨光。

next 1/1 pre

馬國明(左)、洪永城兩人合照時,冇因唐詩詠與馬國明最近被指傳出「兄妺戀」而感到尷尬。

next 1/1 pre

馬國明被指與黃心穎戀上,更話女方送手錶畀男方。在訪問時,男方仲笑住講,叫女方下次送車同樓。

next 1/1 pre

黎耀祥、田蕊妮

next 1/1 pre

歐陽震華、萬綺雯

next 1/1 pre

黃宗澤

next 1/1 pre

陳展鵬

next 1/1 pre

陳凱琳

next 1/1 pre

岑麗香

next 1/1 pre

大合照

next 1/1 pre

唐詩詠 資料圖片

next 1/1 pre

胡定欣 資料圖片

next 1/1 pre

無綫在將軍澳電視城舉行「TVB 48周年台慶劇」記者會,四大台慶劇《張保仔》、《無雙譜》、《東坡家事》及《梟雄》主要演員黎耀祥、歐陽震華、田蕊妮、萬綺雯、黃宗澤、馬國明、洪永城、陳展鵬、黃心穎等齊齊現身支持,星光熠熠。洪永城與唐詩詠被外界認定戀人關係,但最近卻傳出唐詩詠與馬國明譜出「兄妺戀」,馬國明多次被拍得與女方撐枱腳,唐詩詠更細心地為馬國明剝蝦殼。雖然當事人齊聲否認,但緋聞亦甚囂塵上。

睇好前女友胡定欣攞視后

在記者會上,洪永城與「情敵」馬國明首次碰面,兩人不單沒有尷尬迴避,反而兩位麻甩佬好似糖黐豆,在台上排位影大合照時孖住企,不時傾偈。之後洪永城更搭着馬國明的膞頭影相,隨後兩人影合照時又輪到馬國明搭着洪永城膞頭影相,以行動粉碎傳聞。

為《梟雄》宣傳的馬國明受訪時,表示打定輸數爭視帝,但睇好主演《鬼同你OT》的前女友胡定欣攞視后。他說:「唔係感情分,係覺得佢真係進步嘅。」問他與洪永城碰面會否尷尬?他說:「冇尷尬!我仲同佢講笑,我哋《梟雄》一定贏佢《張保仔》囉!(有冇同洪永城解釋?)唔使解釋,大家喺呢個圈咁耐得啖笑啦。」

叫心穎送樓送車

對於近日馬國明又被傳與黃心穎撻着,兩人一齊大方受訪兼影合照,馬國明笑說:「依家傳到我都唔知同邊個喇,本來今日嚟係準備答同唐詩詠嘅嘢,點知嚟到變咗黃心穎,下星期都唔知變咗邊個,當係宣傳啦。」另有指心穎送錶給馬國明,他謂:「下次唔好送錶,係就送樓送車今次緋聞對心穎都幾好,之前傳有老婆嘅男士,今次唔算難睇。」心穎聞言即笑說:「送都唔送畀你」

洪永城睇好陳展鵬

洪永城與馬國明排位影大合照時齊齊企中間,洪永城認為企位沒有參考價值:「有位咪企埋去囉,唔好諗咁多,事前冇排過位,佢依家近期咁紅,梗係黐埋去,叨下佢光啦。(唔企黃心穎隔籬?)我鍾意馬國明多啲!」洪永城是台慶劇《張保仔》主角之一,問他有否信心爭視帝?他說:「我有信心喺一班視帝人選度影一張Selfie,自己就睇好陳展鵬。」

另外,陳展鵬昨日為新劇做訓練,故未做訪問便匆匆離去。事後他接受電話訪問,提到他很大機會憑台慶劇《張保仔》或《天眼》角逐今年視帝,他坦言一直恨演《天眼》的反派角色,亦可藉此作反面教材,作為演員希望帶給觀眾訊息及新鮮感。對於洪永城睇好他憑《天眼》攞獎,陳展鵬謂:「我同洪永城關係好密切,佢入嚟TVB同我合作最多,已經三套劇。」

「東網巨星」fb專頁:

每日Keep住推介最「精」最「趣」娛聞,只需數分鐘,即可化身娛樂通,茶餘飯後唔驚冇話題。想加入熱議最hit最爆娛聞行列?呢個專頁真係不Like不可。

http://www.facebook.com/onccstars

鍾意就快D Share啦!
Related Posts Plugin for WordPress, Blogger...