| 祖兒同克勤嘅尾場演唱會，獲得不少好友名人捧場，兩人更出盡力獻唱兼跳晒舞。 | next 1/1 pre |
 | |
| 克勤同祖兒完全唔錫身落力地跳舞！ | next 1/1 pre |
 | |
| 兩人在尾場開始時，先同大家嚟個熱身再帶大家進入高潮部分！ | next 1/1 pre |
 | |
| 由於係尾場關係，兩人都唔希望太早離開舞台，所以佢哋賣力跳唱，入場嘅觀眾認真有眼福同耳福！ | next 1/1 pre |
 | |
| 兩人更在台上，互爆當年相識時嘅趣事，克勤「投訴」祖兒份人有啲嘈。 | next 1/1 pre |
 | |
| 軒仔（右一）同高層吳雨（中）及霍汶希玩自拍。 | next 1/1 pre |
 | |
| 陳貝兒（左起）、陳百祥和太太黃杏秀都有去睇騷。 | next 1/1 pre |
 | |
| 徐濠縈（右一起）、蘇永康與太太Anita | next 1/1 pre |
 | |
| 吳君如（右）同黃偉文台下咬耳仔。 | next 1/1 pre |
 | |
| 祖兒媽都有嚟支持愛女呀！ | next 1/1 pre |
 | |
| Twins 資料圖片 | next 1/1 pre |
天后容祖兒（Joey）與李克勤一連十二場《容祖兒李克勤演唱會2015》正式落幕，獲吳雨、Joey媽、陳百祥及太太黃杏秀、黃偉文、吳君如、蔡一傑、張敬軒、森美與陳貝兒等到場支持。由於尾場關係二人十分賣力演出，然而Joey演唱時卻跣親，幸好沒仆倒，至於克勤在握手部份亦仆親，立刻捉住欄杆的他沒大礙。兩人自開始後連續演唱多首歌曲，至個多小時後才開始對話的部份，每當克勤想開口解釋個唱概念鋪排時，粉絲便尖叫起來，克勤三度被阻礙，連Joey也不禁向觀眾笑言：「講埋先得唔得？」最後唱畢《紙牌屋》後便落台。
及後，兩人再上台，直言開頭個多小時只是預演，接下來才是演唱會的開始，而Joey更坦言非常開心，皆因他們爭取到為演唱會製作DVD，除可留念外亦可讓更多人欣賞這場演唱會，克勤笑言整個舞台以及演唱會的每分鐘都是在燃燒金錢，直言未試過做一個演唱會花費那麼多說：「好似連啲水晶燈都好靚，用完攞番屋企呀！」Joey即表示：「我屋企冇你屋企咁大！」克勤反擊道：「你係樓王喎！我睇報紙話你係樓王喎！」Joey只好答：「癡線啦，咁你都信。」
自爆經歷過心淡階段
由於尾場關係，兩人不太希望太早離開舞台，克勤更說：「根據慣例，都唔會太早畀大家走。」接着便唱出多首作品，當Joey提到黃偉文的作品時，表示：「覺得佢好似預言家，例如《心淡》，當我拎到歌詞，覺得好Dramatic，乜愛情係咁嘅咩，因為嗰陣入世未深。」克勤即搞鬼問：「乜你真係試過心淡咩？」Joey回答：「多多少少喺人生長大歷程裏面咩都試過，去到呢個年紀再唱，好似好多字都唱到心入面。」
克勤「投訴」Joey好嘈
Joey在尾場亦再拿克勤的年紀開玩笑，表示中二時會整班同學唱他的歌，克勤自娛說：「尋日阿Sa（蔡卓妍）話小二添呀！開頭幾開心呀，但佢話我係小二上學期鍾意聽《一千零一夜》，下學期已經轉軚去第二個。」同時兩人又分享以往經歷，Joey回想以前跟對方在無綫演出，當克勤在台上唱歌時自己在台下等待，然而鬧出笑話：「大家聽住Ear Mon（耳機）備上台，我等嗰陣不停講嘢，又會扮佢唱歌，之後佢落台同我講話我好嘈，因為Ear Mon收埋我把聲，佢一路唱一路聽到我講嘢，好彩冇講佢壞話！」
克勤亦分享當年與她認識的趣事：「有年頒獎禮坐埋一齊，同佢仲係點頭之交，咁啱啱台上有歌手唱完慢慢行落嚟，然而呢位朋友（Joey）突然個頭擰過嚟問『我個妝得唔得？』我身為一個男士畀人咁問，好大感觸，覺得佢對我信任，但唔係好熟，令我留下好深印象。」克勤又問道當時是否覺得他能給予中肯答案？Joey笑言：「我覺得係架，睇你另一半就知港姐冠軍喎！」克勤坦言覺得Joey為人坦白沒機心，及後有多次機會相約去玩，Joey更說：「我諗除咗Twins之外，你係我影得最多相嘅男藝人！」自覺說錯話的她即補鑊說：「Twins唔係男藝人呀，係藝人、歌手。」十分搞笑！
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。
http://www.facebook.com/onccstars
|
鍾意就快D Share啦！
|
|
|