宣布分手後，阿 Sa即去蘇州出活動，週日漏夜飛返香港，下午就去綵排，個樣勁憔悴。
真面目
分手收場 陳偉霆多女埋身 阿 Sa橫店突擊檢查出事
強國錢多女多粉絲多，到底多成點？咪就係多到足以摧毀一段排除萬難都要愛嘅五年戀情囉！
想當年英皇大師姐蔡卓妍愛上小師弟陳偉霆，唔理地位懸殊一大截、唔理年齡差足三年幾、唔理自己之前有個秘密老公鄭中基，離埋婚都要愛！雖然週日（ 20日）至宣布分手，其實早喺年頭阿 Sa北上探班， William唔領情去咗陪疑似小三趙麗穎。當「而我不知道」紅遍強國，錢多女多粉絲仲多，仲同你講舊情？
5年情話散就散，同日同時推出相同內容微博宣布分手，至截稿為止，陳偉霆錄得 20萬個 like，阿 Sa就只得 8萬個，一眼睇晒，當年女尊男卑嘅姐弟戀今時今日已經形勢逆轉。曾幾何時，係 Sa粉鬧爆 William踩住上位襯唔起 Sa，到今次分手，就輪到 William強國粉絲熱烈地彈琴熱烈地唱，叫 Sa滾回香港喎！
玩驚喜空歡喜
當愛已成往事，個個都話係兩位各有各忙聚少離多，其實一人行一步，肯努力又點會冇得見？《 FACE》得知，至少 Sa真係有努力過囉！
話說強國劇一個接一個，橫店已經變咗 William半個鄉下。為咗見多一面，今年頭忙住宣傳《雛妓》爭影后嘅阿 Sa山長水遠都要飛一轉橫店，收晒風得知當日劇組早收、去定 William橫店寓所一廂情願製造驚喜，點知等極唔見人，先知原來男友陪劇組去咗唱 K盡慶。原來當時 William身在橫店拍緊正是現在內地熱播的話題劇集《蜀山戰紀》，叫得郁 William，與劇組有份陪玩的，正係疑似小三、同劇女角趙麗穎。雖然今次二人聲明力稱和平分手，趙麗穎亦都通過經理人向外界否認介入，不過無可否認 Sa威廉年初經此一役急轉直下，趙麗穎「功不可沒 l」。
唔只一個
相愛五年，阿 Sa對陳偉霆一條心，五年來一個緋聞都冇，而陳偉霆走紅強國後亦都走出一籮緋聞女友，除咗嫌疑最大嘅趙麗穎，仲有兩個候選佳麗！
不能不知道
本來係「的士陳」，連曉明大哥都話「而我不知道誰是陳偉霆」，自從 14年拍完強國劇《古劍奇譚》即變紅透內地小鮮肉，好快多人識佢多過識 Twins。
採訪、撰文：娛樂組
攝影：娛樂突發組
|
鍾意就快D Share啦！
|
|
|