嘆公司面目全非影響士氣 菊姐嫌班底唔掂離無綫
陳國邦離開無綫，關菊英又走！07年憑《溏心風暴》中「細契」一角奪「我最喜愛的電視女角色」的關菊英，今年7月約滿無綫後不再續約。菊姐昨在荃灣出席活動時透露在無綫八年產量少，僅拍六部劇，她慨嘆無綫面目全非：「做嘢搵班底冇晒。」獲菊姐和汪明荃力撐離巢的陳國邦，昨坦言迴響比預期大，認為是認真工作後得到的尊重。
無綫近年鬧小生花旦荒，並延至二、三、四線演員大逃亡，前日被公認是實力派演員的陳國邦，突然在網上寫了一封「給無綫電視的公開信」辭職，令不少台前幕後感意外，但同時亦贊成他的決定。無綫台柱汪明荃（阿姐）昨在微博留言力撐說：「國邦，看到你這封感性又正面的公開信，很想留幾個字為你增加正能量：你是TVB眾多演員／同事中，一位我非常欣賞的好戲之人！加油呀！敏莊加油呀！」
另一位殿堂級「阿姐」關菊英昨在荃灣義賣獎券，對於陳國邦離巢，菊姐亦表態支持說：「話阿邦知我好賞識佢，佢係非常專業正面嘅藝人。我哋早前合作拍劇較多對手戲，佢好專注熟讀劇本，唔單止係佢戲份，即使場戲得我講對白，阿邦會搭住我，畀到啲身體語言戲我。佢走都係可惜，希望佢有更多機會。」
■如今無綫已面目全非，令陳國邦與關菊英都心灰離開。設計圖片及對白
■關菊英昨日表示已離開無綫，結束8年賓主關係。
■菊姐讚陳國邦專業，即使無對白，都有身體語言戲交流。《名門暗戰》劇照
台前幕後不再熟識
其實菊姐比阿邦更早決定離開，在今年7月約滿無綫後不再續約，結束八年賓主關係。昨日無綫和有線電視均有派人去採訪，問是否與陳國邦一樣心灰意冷？菊姐說：「唔係，唔簽理由係想要自由，做鍾意做嘅嘢，自由身狀態最啱我。況且過去簽咗八年，唔係好多嘢做，自己會揀同推工作。」事實上，菊姐過去八年僅拍了六部劇，其中《溏心風暴》、《公主嫁到》等都是由已過檔nowTV的梅小青和劉家豪監製，而最後一部《名門暗戰》收視和口碑已大不如前，難怪菊姐有感今時今日舊公司已面目全非，影響士氣，菊姐說：「太多人走，做嘢搵班底冇晒，暫時又冇乜啱對手，以前台前幕後都係我熟識，𠵱家調轉，我好似新人咁要適應。」菊姐的心態，正正導出無綫硬捧新人上位局面。
至於問菊姐無綫有沒有挽留？她說：「有，樂小姐（樂易玲）都有同我傾過，但我都婉拒咗，連價錢都冇再傾，因為都決定咗唔續。」菊姐表示早年為無綫節目賣力演出傷及筋骨，現已逐漸康復；早前她探望過契媽李香琴，對方身體狀況不錯，二人每次見面都會唱《萬水千山總是情》。
■無綫台柱阿姐在微博留言支持陳國邦離開。
■樂易玲曾挽留菊姐，但菊姐去意已決，連價錢都無傾。資料圖片
陳國邦獲阿姐支持
陳國邦離開無綫成為熱話，現他身在台灣演出舞台劇，經過一夜沉澱，昨日接受本報訪問時在電話中說：「我知道出咗呢封信後，作為一個藝人，一定會有一啲嘅反應，不過的確，𠵱家嘅反應比我預期嘅大。我估唔到汪阿姐，或者菊姐，甚至一啲藝人、導演，無論係公開定私底下，發訊息畀我，都支持或者贊成我呢一個決定（離巢）。我相信呢啲係我認真工作換番嚟嘅尊重，我好多謝佢哋。」
前晚樂易玲在活動上表示會積極挽留，但陳國邦似乎不為所動：「我知道返到香港之後，會有一啲訪問，我係需要做嘅。到時我會再詳細咁交代我點解會做一個咁樣嘅行動。」
採訪、攝影：卓寶花、魯吉
|
鍾意就快D Share啦！
|
|
|