無綫拍嘅節目好多時都會俾人認為質素低兼製作馬虎。不過最近就有一個旅遊節目俾網民激讚，呢個就係喺上星期一開始播出，由主播方東昇，新聞小花陳沛珈及黃曉瑩主持嘅《世界零距離II》。
《世界零距離II》係由無綫新聞部製作，節目風格同一般旅遊節目唔同，佢哋專去一啲冷門冇咩人去嘅地方，探討當地政治、經濟及民生等問題，同埋介紹下當地一啲不為人知嘅事。節目每集介紹一個冷門地方，例如：福克蘭群島、法屬圭亞那及委內瑞拉等等，每集只有短短三十分鐘，但係已經足以引起網民注意。
雖然節目內容已經喺無綫新聞以每集三分鐘嘅形式播出，但係點解節目點解咁受歡眾？唔少網民都好鍾意主持方東昇所拋出嘅創意金句，例如：「工欲善其事，唔好發脾氣」、「蛋有蛋味，企鵝蛋有企鵝 蛋味」、「成個老襯，從此...士氣大振」、「幫助養放生海龜改名「龜宿」，指嘅唔係笑佢縮喺殼度，而係希望佢最終有個好歸宿」等等，有網民更笑言話期待佢開棟篤笑。除此之外，節目始終係新聞部製作，所以資料搜集都會比較廣泛及深入當地居民生活，例如佢講到委內瑞拉嘅人民因為通脹、貨幣貶值等問題令到生活艱辛嘅時候，佢就自己一齊同當地民眾齊齊排隊買物資，感受當地人嘅困苦，要認真有認真，要搞笑有搞笑。
除咗主持風格同平時好唔同之外，大家有冇留意其實佢嘅拍攝方法亦都同杜如風、黃翠如、洪永城等拍嘅旅遊節目好唔同呢？可能無綫為咗慳budget，佢哋嘅旅程就只係得一個導播，同埋每集三個主持都要自己輪住揸機拍攝。除此之外，佢哋自己仲要擔當埋翻譯員，喺資源唔充足嘅環境底下都仲 拍到一個咁有質素嘅節目，真係好難得。
而呢個節目嘅另一個驚喜就係兩位新聞小花陳沛珈同黃曉瑩，雖然佢哋一出道嘅時候就已經有有巴打cap圖讚靚女，不過始終都唔算好多人識。自從呢個節目出街後，佢哋兩位就人氣急升，仲有網民話會為咗佢哋追睇呢個節目。唔好以為佢哋淨係得個靚樣，當中嘅陳沛珈原來仲操得一口流利嘅德文，完全切合到主播有學識有樣貌嘅特質。
以下就係部份網民嘅留言：
|
鍾意就快D Share啦！
|
|
|