一落機即有老婆羅敏莊錫番支持，咩氣都下晒
真面目
話走就走 幫獨女搵學校 陳國邦全家移民曼谷
效忠大台 15年，上星期 47歲陳國邦終在網上公開與大台的分手信。信中一字一句酸溜溜，但離別未必係傷感，轉換吓環境或者係件好事。
「唔係一個衝動嘅決定，其實都孕育咗一段時間。我𠵱家可以去做其他工作，無論係舞台劇、教學工作、湊囡，又或者湊囡，同埋湊囡。」開口埋口都係湊囡，據知陳國邦兩公婆最近更在曼谷幫囡囡搵到國際學校升學。啱啦，趁呢個空檔期，幫囡囡搵定學校，隨時行得
於香港演藝學院畢業， 89年已加入大台的陳國邦，對演戲的興趣有增無減，曾被提名台灣的金馬獎和金像獎的最佳男配角，亦曾在大台頒獎典禮中入圍最佳男配角，可惜都係落選。
「泰國人好和善」
「 15年間，只希望能用自己的能力換取賞識及當主角的機會，機會卻愈見渺茫。」陳國邦在信中寫到明，花了 15年時間都換不到一個主角角色，心淡離開。「有需要我的地方，有我落腳的地方，我便會在那裡。」原來，陳國邦的落腳地方，就是泰國。
其實月前陳國邦一家出席公開活動時，羅敏莊就提過等囡囡陳禛升小一時，便會把她送到泰國讀書。「係打算小一讀，所以𠵱家要計劃，我好鍾意泰國人好和善，好有好感，一路睇好呢個地方，朋友會覺得揀英國，但係我覺得近香港可以我隨時飛返香港做嘢，好方便。」
搵定國際學校
要送女兒出國讀書，金錢對陳國邦來說不是問題，但 3歲陳禛雖然性格獨立，但始終是獨女關係，陳國邦都想揀個較近香港的地方，方便一家人隨時見面。而泰國入學門檻低，而且風俗簡樸，據知最近陳國邦和羅敏莊已成功幫囡囡搵到一間在曼谷的國際學校升學。
對於現今香港的怪獸家長，早幾年搵定學校已是等閒事，加上泰國地大脈搏，要找一間好的國際學校，真係唔容易。陳禛剛入讀 K1，離升小一還有 2年時間，但早前陳國邦已帶埋老婆和囡囡到泰國視察環境。週一（ 12日）陳國邦未有否認移民一事：「其實移民泰國呢年事，只係當時嘅一個想法。而呢個想法其實仲未付諸行動嘅。」
輪住走
近年大台劇集粗製濫造，劇本唔得，製作馬虎，小生花旦走得嘅走，留得嘅亦都無幾個，難怪市民都話「睇嚟睇去都係嗰幾個」，寧願追字幕睇韓劇好過。
自去年開始，大台藝人輪住走，先有港姐楊思琦、港男高鈞賢、楊洛婷等等，今年再走更多一線藝人，陳凱琳迅速成為女一唔係無解嘅！
花旦組
小生組
甘草組
米雪紅到去泰國
韓星、台星可以喺香港紅得起，就證明唔使聽得明佢講乜，只要夠型夠靚就得。泰國都唔例外。唔講你唔知，原來米雪同埋任達華，喺泰國其實好紅，話說今年初，就有泰國清談節目請咗米雪上去，分享吓佢對泰國嘅印象，米雪話早喺 35年前去泰國拍戲，部戲亦有喺泰國上映，從此泰國人就開始認識米雪，而且米雪仲大賣口乖，話自己好鍾意泰國，每年都會去一次，又靚又愛國，難怪泰國人都好鍾意米雪
探訪、撰文：娛樂組
|
鍾意就快D Share啦！
|
|
|
