今日WhatsApp瘋傳兩段被指為「圍村收數下場」的短片，內容疑涉一名收數佬帶埋金銀衣紙到新界一圍村收數，反被村民「玩返轉頭」！其中一片段中，被指為「收數佬」的金毛紋身男，手執一大疊衣紙，表情痛苦坐在石壆上，疑遭在場數名男子逼食衣紙，其間有人不停用粗口訓斥「大啖啲x你老母，係咪要我質你呀」、「係咪要郁手呀…你咁細啖」、「你食唔食呀，攞啖汽水送啦」。
金毛男邊吃邊求饒指「啲紙好『鞋』」，又稱呼拍片者為「大哥」，惟對方未肯收手，笑指「明知『鞋』又燒畀啲兄弟？」又自稱「我真係好x變態」，邊說邊繼續逼金毛男食衣紙，更提議他用可樂送服，「鬼x叫你響流朵呀，食多兩張放你走，留返燒畀你啲兄弟啦」，金毛男一度搖頭飲泣，繼續「生吞」衣紙。
另一片段中，拍片者不斷催促「拿拿臨搞掂佢」，並稱「食埋我就放你走啦」，金毛男只好狂灌汽水，未幾，其中一名拍片者要求他伸出右手，再將大量的香爐灰倒在其手背，要金毛男「用鼻索咗佢」。金毛男用鼻吸了一吓，隨即便嘔吐大作，拍片者繼續將剩下的香爐灰倒入可樂內，並威逼他「飲埋支可樂就算數」，「你唔係話嚟收數咩？你唔問下人依度係咩地方」。其間，圍堵他的村民又斥責他，早前恐嚇村民不要離開屋企，金毛男只好默不作聲，大啖大啖飲下有「香爐灰可樂」。
有消息稱，事件發生在前日(11日)，地點為屯門一條圍村。據知該金毛男原本到村內一單位收數，但最終遇上村內有勢力人士，寡不敵眾下被逼「食衣紙」和「索香爐灰」。
想睇最新消息？ 即時follow【現場－蘋果突發】fb！http://fb.com/applecitycrime
拍片者將大量的香爐灰倒在金毛男手背，逼他「用鼻索咗佢」。 
拍片者炮製「香爐灰可樂」，逼金毛男飲下。 