各位《志明與春嬌》迷終於等到之前都有傳話會開拍第三集，不過導演一路都唔滿意個劇本，唔肯開拍。等咗三年，彭浩翔終於宣布第3集《志明與春嬌》開始籌備
導演彭浩翔公布《志明與春嬌》第三集將會以原班人馬拍攝，預計明年5、6月月可以開拍。不過今次故事就唔再係講兩個人嘅愛情故事，而係變咗講兩代人嘅故事。因為今次新片主要想描述兩代嘅溝通問題，所以會着重描寫春嬌同志明結咗婚後，要同老爺奶奶相處，但喺兩代人係生活細節上都有好大分歧，繼而鬧出好多笑話。
自從《志明與春嬌》喺2010年上映之後，都令到唔少影迷感動落淚。第一集嘅時候就講「張志明」同「余春嬌」因為煲煙而成為朋友，之後傾傾下仲談埋情。去到第二集就講到兩人分咗手點知又喺北京重聚，繼而帶出逢遠距離戀愛問題，仲加埋新角色楊冪，順勢提出中港文化溝通問題同香港人去中國工作嘅境遇。
而兩位主角亦因為呢套電影人氣急升咗唔少。余文樂憑住「張志明」呢個角色成為全城熱話兼男神。而楊千嬅就憑第二集成為《第23屆香港電影金像獎》「最佳女主角」，亦係佢第一次成為金像影后。
|
鍾意就快D Share啦！
|
|
|
