掃呢頁CODE去手機

2015年10月14日 星期三

大和解 反面 6年冇請飲  JM主動 Whatapp Baby和好 [FACE - 438] Baby,文詠珊,JM,Angelababy,MF,



包括擺酒、首飾同億二豪宅新房、請咗二千位中港台名人巨星,係冇請 Baby入行孖公仔一樣嘅 JM。

真面目

大和解 反面 6年冇請飲  JM主動 Whatapp Baby和好

你的樣子如何,你的婚禮也必推到完場?上周四(8日),巴絲打揭開報紙、面書同討論區,去到邊都俾黃曉明 Baby洗版,曉明大哥同 Baby妹五年情修成正果,放閃放到中港台㗎!

其實你的樣子如何,又未必命運也必如何!講緊十年前同 Baby孖公仔一樣嘅 JM文詠珊,由好姊妹變仇人,足足六年不相往來。一場婚禮,一句恭喜,雖然係就係行咗啲,不過都叫零的突破,成功和解囉!

個個結婚都話世紀婚禮,咁黃曉明同 Angelababy場婚禮就應該稱得上世紀中嘅世紀;場地揀最有排場嘅上海展覽中心、金器首飾過千萬、二千賓客卡士強過頒獎禮、億二新房加慈善基金有金又有心,連餘興節目彈琴嗰個都係李雲迪,任何一個環節都要幾豪有幾豪,要幾閃有幾閃,官方宣布整個婚禮超過 64億次微博點擊討論,呢啲咪如假包換放閃放到讓 13億人震驚囉!

金童玉女、世紀放閃,上週四, 37歲黃曉明同拍拖五年 26歲 Angelababy在上海展覧中心舉行婚禮。

據悉婚宴前夕, JM短訊 Baby恭喜新婚,係二人反面六年來首次破冰。

Baby自從搭上曉明極速上位,反觀 JM六年嚟都係靠自己,近日先至有個叫做有個穩定男友、金融才俊富三代吳啟楠。圖片

行貨破冰

Baby越係嫁得風光,就越係顯得同過氣姊妹 JM距離越來越遠。當年同期出道、同期走紅、同期做咗𡃁模始祖, Baby同 JM唔只孖公仔拍廣告行 catwalk,其實私底下亦都約埋一齊拍拖一齊蒲,堅係 friend。

咪就係 Baby北上發展, 09年撻着「海綿蛋糕」開始,多得男友越撈越掂,但就同 JM越行越遠。據悉,對外常被比較,對內亦看不過眼 Baby進取過頭, 09年 JM開始同 Baby日漸疏遠,不過,直至 Baby大婚,雖然冇得做姊妹,念在相識一場 JM都主動 WhatsApp遙遠祝福,竟然亦收到 Baby回覆,多謝完仲話補寄囍餅添。雖然去到最後一刻,補番張囍帖又欠咗誠意,不過來日方長,錯過婚宴咪下次飲滿月嗰餐囉!

拍拖五年一貫有鋪晒恩愛癮,大婚日黃曉明更加不惜工本為 Baby打造夢幻婚禮,成功出盡風頭一日在微博吸引 64億點擊討論。

Baby陪嫁姊妹人選夠晒驚喜,有曉明老死李冰冰、新相識電影拍檔倪妮、又失驚無神有何超盈份,唔講都唔知原來何家千金同 Baby有交情。

越行越遠

全靠撻着海棉蛋糕, Baby今時唔同往日,成為強國花旦,排場行頭亦都今非昔比,名牌手袋巨鑽私人飛機仲養埋名種貓。

網上圖片

網上圖片

網上圖片

反璞歸真

網上圖片

鬥豪唔夠 Baby嚟,婚宴第二日, JM就玩本土,親自到場支持唐貓唐狗領養日,仲攬埋唐狗 BB上身玩。

你的樣子始祖

成功綁住強國頂級超卓王老五之前,其實 Baby當年都係模出身,同 JM孖公仔一樣一齊行騷、代言拍硬照。不過出身近似,明顯兩位目標爭好遠,所以越行越遠,由好姊妹變不相往來。

回到未紅時, Baby(右)靚樣有出入, JM亦都娘到爆。《蘋果日報》圖片

當年 Baby同 JM孖住做港牌代言人,化妝髮型加服裝都一式一樣。

唔只開工行孖咇,兩位私下亦一齊玩一齊蒲,堅係 friend。

採訪、撰文:娛樂組

攝影:攝影組

鍾意就快D Share啦!