熱爆娛樂: 撞親錢嘉樂出事　醉 Bob搞寸肥 Wil場 [FACE

2015年10月14日星期三

Bob雖然口口聲聲話自己唔係飲好多，但離開時明顯要同唯唯互相扶持，若然 Bob無講大話，咁佢嘅酒量真係好差吓喎！

肥監製錢國偉（ Wilson）上週四（ 8日）喺洲際擺足 50圍，迎娶女友陳宛蔚（ Calinda），陣容雖然唔及 Angelababy嗰邊咁國際級，不過唔少本地級嘅明星藝人都有出席！同 Wilson好 friend嘅古惑仔仲充當伴郎。

晚上唔少藝人都有上台表演娛賓，伴郎古惑仔又點會例外！可惜飲醉酒嘅 Bob離奇上台左行右行，期間又撞到錢嘉樂令陳小春一撻即着，掟咪之餘仲幾乎想打阿 Bob！好在主人家 Wilson未醉，出面打圓場，大家笑番咪無事囉！全知言記得， Bob已經不只一次喺婚禮上搞事，恐怕 Bob從此會被列入婚宴黑名單囉！

輪到拋花球環節喇！點知接到花球嘅係欣宜，但係欣宜好似啱啱甩拖咋喎？

Bob同唯唯都飲到醉晒，二人互咀後仲攬到實一實晒 V影相，知你哋堅 friend，但都要顧吓觀眾感受嘛！

Wilson當年捧起「味之天使」，上週四（ 8日）終於同「雜果賓治」陳宛蔚（ Calinda）結婚，呢班好姊妹又點少得呀？

Wilson婚禮上成個演唱會咁，藝人輪住上台唱歌，醉 Bob突然上台仲撞親錢嘉樂添！

小春自從同應采兒結婚後，已經修心養性咗好多！估唔到今次俾阿 Bob撻着咗！

即時報料 facepop

熱線： 9222 0828

電郵：facenews@nextmedia.com

facebook： Face Magazine inbox

line、 we chat id： facemagazine

鍾意就快D Share啦！