由英國變沙頭角舉行婚禮，36歲嘅胡杏兒，為咗未來老公Philip Lee（李乘德），願意將童話式婚禮變客家式婚禮，呢個未來新抱仔，真係抵錫。
今日36歲生日嘅杏兒，喺中環PMQ舉行生日派對，盛傳今晚仲舉行埋訂婚派對添。十點十五分左右，見西裝筆挺、梳咗個蛋撻頭嘅Philip，一早到場打點同招呼賓客，笑容滿臉。而杏兒嘅好朋友馬賽、崔建邦、林二汶、姚子羚、胡蓓蔚（豹嫂）、李雪瑩、趙希洛、徐子珊、莊思敏、莊思明、莊思華、王君馨、李思捷都有嚟到。
問到黃君馨買咗咩禮物畀杏兒，佢就話係秘密，再問到今次求婚係唔係好開心，佢就話：「唔知喎，今年係特別開心嘅，工作多咗搵錢又多咗，結埋婚。」而廖碧兒就拎住啲氣球到場。
鍾嘉欣到場時，面對記者種種提問都唔答，就連送乜嘢生日禮物都唔肯講。不過問佢今晚呢個係生日P定係訂婚派對時，鍾嘉欣終於鬆口話:「呢個係生日party。」
至10點半左右，一身白色套裝嘅準李太胡杏兒，左手無名指戴咗巨型方形鑽戒，右手食指都戴住隻藍寶，一臉幸福，同鍾嘉欣一齊出嚟俾傳媒影相，連聲謂:「多謝大家!」雖然封嘴不答是否今晚訂婚，不過見杏兒眼泛淚光，似乎感動到喊!記者問:「係咪要改口嗌你做李太呢？」杏兒都係笑而不答。
陳敏之差不多成12點先到場，佢就話知道今晚會有啲嘢發生，但就唔知係咪求婚，同埋自己太忙就未有買生日禮物。
| (採訪、攝影：朱志聰、潘冠恩、徐錦池) |  |  見杏兒眼泛淚光，似乎感動到喊。 |
 |  左手無名指戴咗巨型方形鑽戒。 |  |
 Philip一早到場打點同招呼賓客。 |  傅嘉莉同周志文、周志康 |  崔建邦同馬賽 |
 林二汶 |  姚子羚同胡蓓蔚。姚子羚眼肚位都有一撻撻白色嘢，重演彭麗媛事件。 |  李雪瑩 |
 |  |  |
 李思捷 |  王君馨 |  趙希洛 |
 廖碧兒 |
|
鍾意就快D Share啦！
|
|
|