| 陳國邦接受訪問時，大談自己接拍三級片的原因同羅敏莊拍拖趣事。 | next 1/1 pre |
剛離開無綫的陳國邦接受電台錄音問，談到離巢公開信後，陳國邦自言最開心是得到從來沒有的經歷：「有一日，我喺旺角等Mimi（羅敏莊）嘅時候，有一位白頭髮嘅中年男人，比我年紀仲要大啲，走過嚟禮貌咁問我：『你係咪陳國邦先生？』我話：「係！」佢又話：『我好欣賞你能夠做出咁樣嘅決定，我好鍾意睇你做戲』，喺演藝圈浮沉26年，我冇當過主角，冇攞過大獎，但我今日得到嘅係比前兩者更有力量嘅收穫。」
大談拍三級片因由
曾先後在金馬獎、金像獎獲提名「最佳男配角」的陳國邦，正當事業起飛之際，陳國邦最令人意外是94年接拍三級片《廣州殺人王之人皮日記》，片中有不少性愛場面，對此陳國邦說：「冇錯！呢套係三級片，首先，我唔想拍，但同導演再進一步接觸嘅時候，呢個係真人真事。」嘗試及體會不同角色，最後令他躍躍欲試，他續說：「我從未接觸過呢類型角色，最重要係導演答應我可以拒絕純粹賣弄色情嘅鏡頭；其次，講出嚟你可能覺得好奇怪，但我真係好想嘗試，作為演員，我會幻想面對性愛場面或面對裸露嘅女人時，我會唔會有生理反應或者勃起呢？我好想體會一下實際嘅工作環境。」
被問到有沒有顧及後果，他坦言：「冇想過後果，如果我有想後果，呢部戲係唔應該接嘅，冇錯，拍完呢部戲之後，我咩都冇，所有工作機會都冇。」
羅敏莊主動追求
談到與羅敏莊感情，傳聞當年羅敏莊主動追求男方，他爽快地回答：「對。（當時你有女朋友？）當時佢都有男朋友，哈哈，大家都未結婚。」提到羅敏莊做了甚麼成功俘虜他，他分享了一個趣事：「有一次佢見到我買椰堆，我話好好食，之後又買咗好幾次，從此佢每天都買椰堆畀我，直至有一日我忍唔住同佢講：『我以後都唔想食椰堆喇。』」當年羅敏莊做了很多吸引他，陳國邦指當中有一句說話成就了這段姻緣，他說：「佢曾經話：『我覺得我一生人係嚟照顧你嘅！』的而且確，佢做到咗，依家還要加上照顧我哋嘅囡囡陳禛。」
問陳國邦是不是一個浪漫的人？他自揭剛同居時送了一件禮物哄得羅敏莊大叫：「佢鍾意下廚，但原本租住嘅單位煮食爐好舊，有一日，我等佢出去嗰幾個鐘，我早部署好人嚟安裝全新嘅石油氣爐。之後我扮嘢冇事發生，等佢返嚟嘅時候，佢驚喜得嘩，嘩！我唔知咁係咪叫浪漫，但佢係一個收到石油氣爐都會開心嘅女人。」
問到他毅然離開無綫冇咗庇蔭，經濟方面可有壓力？他坦言因為有太太羅敏莊，讓他很看得開：「正如公開信所提及『反正有需要我嘅地方，有我落腳嘅地方，我就去嗰度。』太太支持都好重要，佢話自己可以做主持，登台唱歌，最重要係佢話：『老公！我不介意你賺少啲！』」有家背後支持，令陳國邦再無後顧之憂。
|
鍾意就快D Share啦！
|
|
|