53歲關之琳突然宣佈同共處八年嘅台灣富商陳泰銘「不是分手，是離婚！」震撼港台兩地。據知兩人已分居半年，數月前才正式離婚。有指今次提出離婚嘅係關之琳，原因是雙方性格不合，陳泰銘又想太太留在家中，唔再工作，令一向性格獨立嘅關之琳感難以接受。
另一離婚原因，係陳泰銘唔肯公開兩人婚姻關係。兩人去年初已經註冊，但陳泰銘擔心前妻無法承受其再婚消息，加上兩女兒都唔接受父親再婚，故陳泰銘從不透露婚訊，令關之琳變「秘密人妻」，死結難解，故女方最後選擇瀟灑了斷。不過笑容背後，失婚關之琳難掩神傷，在台灣連走兩場飲到醉。
今日有周刊報道，披露指原來之之係計劃於今年四月喺法國舉行一場豪華婚禮，陳泰銘仲諗住安排私人飛機接載親友，原以為可以藉此良機公告陳太名份，豈料陳泰銘一對孖女——26歲嘅陳少喬同陳少曼強烈反對。
報道指，陳泰銘一對孖女認為，父親舉辦豪華婚禮為關之琳「正名份」，係對母親最大嘅傷害，最後陳泰銘決定延期，希望關之琳可以試著同孖女及兒子溝通，緩和關係，一步步嚟，但陳泰銘仔大女大，依家要去接受新媽媽，有一定難度，而且彼此之間夾住咗一個「前任陳太」，令關係更複雜。簡言之，就係陳家不接受關之琳做新任陳太，是以關之琳亦未有想過刻意討好，令陳泰銘亦成為「磨心」。
家家有本難念的經，陳泰銘放不低家人，亦自覺不能不顧前妻同仔女感受；關之琳只係想同自己喜歡嘅人一齊，享受人生，冇諗過咁複雜，亦明白陳泰銘都係以家人為重，既然係咁，不如分手。
陳泰銘一對孖女確是疼愛有加，大女少喬幫爸爸打理生意，依家係國巨集團奇力新電子任總經理特別助理，專責投資，陳泰銘亦一心諗住培育女兒任接班人。關係秤不離陀，關之琳要融入陳家，亦實在不易。
| (資料圖片) |  2009年月喺台北被影到佢哋撐枱腳食日本菜。 |  拍拖時，關之琳都樂做跟得女友。 |
 2010年7月，拖手同遊巴黎，可惜最終離婚收場。 |
|
鍾意就快D Share啦！
|
|
|