掃呢頁CODE去手機

2015年12月17日 星期四

投資輸身家 韋家雄翻身 [壹週刊 - 1345] __,M1,

娛樂偵訊投資輸身家 韋家雄翻身週日舉行的無綫頒獎禮,50歲韋家雄憑《梟雄》奪「最佳男配角」,成為當晚獲最多掌聲喝采聲的得獎者,盡得人心。在大台二十年,一直被派演傻呆角色的他,一度意興闌珊轉做生意,先遇上「沙士」蝕入肉,繼而拍檔劈炮走埋。韋家雄未有放棄,近年再開製作公司替荷李活動畫做後期,靠黃秋生一句提點,練就了二十年功力,終於被肯定,連環中獎。秋生篤爆交行貨韋家雄致謝詞時,第一時間公開多謝黃秋生「 ...


娛樂偵訊

投資輸身家 韋家雄翻身

週日舉行的無綫頒獎禮, 50歲韋家雄憑《梟雄》奪「最佳男配角」,成為當晚獲最多掌聲喝采聲的得獎者,盡得人心。在大台二十年,一直被派演傻呆角色的他,一度意興闌珊轉做生意,先遇上「沙士」蝕入肉,繼而拍檔劈炮走埋。

韋家雄未有放棄,近年再開製作公司替荷李活動畫做後期,靠黃秋生一句提點,練就了二十年功力,終於被肯定,連環中獎。

秋生篤爆交行貨

韋家雄致謝詞時,第一時間公開多謝黃秋生「點醒」,事緣去年拍《梟雄》時,開工第一日,已經被對方篤爆,指他有潛力卻交行貨。

「當其時家雄喺有啲意氣消沉,因為做咗咁耐,大部分角色都係做傻仔,佢覺得《梟雄》個角色都係咁上下,所以冇乜心機。秋生同佢做完第一場戲,就話佢冇火,無理由交呢啲戲,做到收收埋埋,叫佢攞番團火出嚟,秋生認為喺大佬身邊嘅跟班,冇可能傻傻呆呆嘅。」一名劇組工作人員說。

黃秋生肯過招,韋家雄即時反省,開始投入角色,結果揮低大熱揚明、王浩信,跟同劇的黃秋生一齊攞獎。

「家雄份人唔識爭取,好似大哥韋家輝同杜琪峯合作咁多年,身邊人見佢捱得咁辛苦,都叫佢搵自己阿哥幫吓,不過佢聽完就算,從來冇開過口。今次攞獎,平日 cool爆嘅韋家輝都有短訊恭喜佢,仲叫家雄出年攞埋視帝。」韋家雄身邊人說。

黃秋生認為韋家雄潛力大,唔應該收埋自己。

獲獎當晚,揚明攬住老友韋家雄,比自己攞獎更開心。

12年,韋家雄跟葉翠翠拍《 4 in Love》時,曾傳出男追女新聞。

處男執導

韋家三兄弟妹都食娛圈飯,胞兄韋家輝是神級編劇,細妹韋家華在有線做編導,其貌不揚的韋家雄,堅持做幕前,磨劍二十多年,已決定明年處男下海,做導演。

「佢儲埋好多自己嘅古仔,好想自己做導演,而家已經準備緊。」在無綫兩個十年,九八年在《真情》飾演「大力」,跟同樣要扮傻呆的苑瓊丹擦出火花獲好評,但無以為繼,長期做三、四線角色。事業停滯不前,韋家雄曾經一隻腳踏出娛圈,跟朋友合作做生意。

08年投資 LED公司,做過 LV展覽場館,以及 IFC新年倒數大 project,韋家雄更會落場幫手。

開製作公司

○三年搞過網上商場,比阿里巴巴的淘寶早十年!可惜撞正「沙士」市道差,加上伺服器損毀,做了一年,蝕六位數字離場。

「家雄都未死心,五年後儲到一筆錢,又同日本人夾份搞 LED生意,○八年 IFC倒數嘅燈飾,之後仲有上海博覽會 LV場館外牆,都係佢間公司作品,不過一一年日本海嘯,個拍檔突然唔玩,最終都係結束收場。」

屢敗屢戰!早前韋家雄再跟友人合資開製作公司,並接下多部荷李活動畫的後期製作。

「佢唔鍾意爭,但係個不斷搵路行嘅人,跌低又可以再起身,廿年來都係咁。今次攞獎,證明佢冇錯!」韋家雄身邊人說。

95年拍長命電視劇《真情》,「大力」一角被人認識,令韋家雄人氣急升。

韋家雄自言對《談判專家》入面輕度智障嘅角色最深刻,本身有畏高症的他要跳海,試過驚到暈低。

15年,韋家雄在《無雙譜》扮陸判,亦被網民大讚演技。

葉翠翠以外,韋家雄也有跟陳嘉嘉傳過緋聞。

韋家雄開製作公司,近年參與製作過的電影及短片後期,其中《走佬芝娃娃》係荷李活片。

東亞運動會(會場片段)

走佬芝娃娃

鐵人 28試片

韋家輝:我都等咗好耐!

見住細佬起跌的韋家輝,在韋家雄得獎當晚,第一時間恭喜對方,對他有今日,韋家輝坦言十分欣慰。「佢係靠自己努力攞到今日成績,做咗咁多年,有時做哥哥嘅都替佢心急,希望佢出人頭地,我唔想因為自己係監製或者導演,夾硬要用佢幫佢。咁耐佢純粹靠自己,等到而家,開始有成績。不過人生有起跌都係好事,演員係藝術家,藝術家有生活體驗好重要。」

慣性忽視

無綫捧人,聽話肯簽長約優先,不少有實力的演員,因而被埋沒和忽視,直至近年網民狂插,無綫才作出微調,令實力派有抬頭機會。

蔣志光

93年退出樂壇加入無綫的蔣志光,拍過唔少劇集,其中以《真情》的「阿福」最深入民心。 14年,蔣志光演出《老表,你好 hea!》,憑「醉高音」一角爆紅,並奪得「最佳男配角」。

許紹雄

入行逾 40年的 Benz雄是公認的「綠葉王」,在電影圈一樣撈得掂,是導演杜琪峯御用男配,先後提名過六次「男配角」,直到 13年,終於憑《 My盛 Lady》獲獎。

古明華

12年,古明華憑《巴不得媽媽》中的「蘇基」奪「最佳男配角」,由昔日四、五線小角色,加薪升呢上二線,並得到一份經理人合約。

撰文、攝影、攝錄:娛樂組


鍾意就快D Share啦!