2015年12月17日 星期四

JW男友外公 娶過關之琳 [壹週刊 - 1345] __,JW,關之琳,M1,

探熱針JW男友外公 娶過關之琳由黎明一手發掘的歌手JW(王灝兒),去年飛甩舊主,轉投SunnyIdea後,最近憑新歌《矛盾一生》人氣急升。事業有轉機,愛情更得意,JW有米圈外男友MarkNgai的外公,原來是王國旌(ChrisWong)。1981年同關之琳在拉斯維加斯閃婚曾轟動一時;公孫口味一致,同樣鍾情娛圈人。無條件解約入行頭兩年仍在英國讀大學的JW王灝兒,一三年才正式入行,甩開黎明後,全力搏殺 ...


探熱針

JW男友外公 娶過關之琳

由黎明一手發掘的歌手 JW(王灝兒),去年飛甩舊主,轉投 Sunny Idea後,最近憑新歌《矛盾一生》人氣急升。事業有轉機,愛情更得意, JW有米圈外男友 Mark Ngai的外公,原來是王國旌( Chris Wong)。 1981年同關之琳在拉斯維加斯閃婚曾轟動一時;公孫口味一致,同樣鍾情娛圈人。

無條件解約

入行頭兩年仍在英國讀大學的 JW王灝兒,一三年才正式入行,甩開黎明後,全力搏殺終有起色。

「佢簽咗 A Music十年,初入行 JW要英國、香港兩邊走,後來 Leon又好少理公司嘅嘢,搞到唔上唔落,見 Janice(衞蘭)同 JM(文詠珊)都走, JW同屋企人商量過後,決定提早五年解約,好彩佢爹哋同 Leon識咗好耐,所以傾過吓就無條件解到約。」知情者說。

82年,剛出道的關之琳與王國旌一見鍾情,就算爸爸反對,仍堅決與王國旌閃婚,轟動一時。

12/12  11:30pm

放工後的 JW,趕住到亞洲博覽館會合男友睇騷,完場後與友人等車接載回港島區。

劈入東涌

上週六(十二月十二日), JW為「沙田節日燈飾亮燈晚會」做完表演嘉賓後,先在銅鑼灣放低助手,再踩入機場亞洲博覽館,會合早已入場睇《 Major Lazer, Jack U+More》的男友 Mark及其他朋友,十一點半完騷後, JW與 Mark及一行人行去閘口,對沿路被人要求合照,來者不拒;等車期間, JW與女友人傾偈, Mark則坐欄杆吸煙,未有避忌。

JW與 Mark外形相襯,拍拖兩年仍很 sweet,偶爾會穿情侶裝出街。

JW與男友家人相處融洽,經常參與男方的家庭聚會。

男友來頭不小

Mark來頭亦唔簡單,外公是富商王國旌,是關之琳第一任丈夫,媽咪 Jannine與四洲太子女戴凱欣( Kennis)是生意拍檔,二人於中環開餐廳 Room 28,生活圈子非富則貴。「 Mark唔係好講屋企嘢,只知佢外公係 Chris Wong,佢媽咪同好多圈內人都好熟, Mark好多時都會喺 Room 28幫手, JW都會去嗰度食飯。」知情者說。

黎明一手發掘 JW,本來簽了十年合約,可惜因合作形式有出入,去年 JW選擇提早五年解約。

徐子珊

JW與 G.E.M.相識近十年,因為 JW的關係,亦愛幫襯 Auntie Jannine開的餐廳。

同樣係蒲精

JW與 Mark已拍拖兩年,兩人同聲同氣,十分登對。

「佢兩個喺夜場識嘅,大家都係蒲精,一樣鍾意音樂,有共同話題,所以一拍即合。身邊朋友初時以為佢哋玩玩吓,點知一拍兩年; Mark同 JW屋企環境都唔錯,但最吸引 Mark係 JW冇公主病,加上 auntie Jannine( Mark媽咪)同佢,仲有佢個做律師嘅細妹 Joyce都相處得幾好,所以大家都覺得佢兩個應該結到婚。」知情者透露。

JW男友 Mark的媽咪 Jannine,與四洲太子女 Kennis合開餐廳 Room 28,她與不少圈內人相熟,徐子珊及陳敏之是其中兩人。

JW出身自有錢家庭,做生意的爸爸已退休,媽媽是位家庭主婦,姐姐和她的感情很好,無所不談。

因為 JW的關係,所以 Mark亦認識黎明。

JW與 Mark志趣相投,愛音樂愛夜蒲,很多時會結伴外遊,加上朋友圈相近,所以感情很好。

喜愛夜蒲

健康行山

札幌滑雪

沙灘派對

70歲再婚

現為金融公司老闆的王國旌,家世顯赫,祖父王啟宇是第一代上海紗廠富商,堂妹王培琪是前香港商務及經濟發展局局長馬時亨太太。現年 71歲的王國旌有過多段婚姻,與 Mark的外婆離異後,最轟動是 81年剛離婚回復單身的他,與當時僅得 19歲的大美人關之琳一見鍾情,認識兩個月後在美國拉斯維加斯閃婚,但這段婚姻只維持了九個月便告終。去年, 70歲的王國旌再在美國迎娶年約 40多歲的女友,人老心不老。

首任太太

Chris與第一任太太 Yvonne(右)誕下女兒 Jannine(中)不久便離婚,一家三口的合照是 Jannine兒時夢想,直到去年才夢境成真。

現任太太

去年七月, 70歲的 Chris與拍拖多年的女友在美國結婚。

撰文、攝影、攝錄:娛樂組


鍾意就快D Share啦!