2015年12月17日 星期四

吳業坤掂咗 龔嘉欣生日放期陪食早餐 [壹週刊 - 1345] __,吳業坤,鍾嘉欣,嘉欣,李嘉欣,龔嘉欣,M1,

12月5日朝早九點半,記者發現龔嘉欣和吳業坤偷偷在將軍澳PopCorn商場撐枱腳,當發覺有人行近,嘉欣即停食望鏡頭。娛樂偵訊吳業坤掂咗 龔嘉欣生日放期陪食早餐出道五年,天生一副毒男樣的吳業坤(坤哥),今年竟然打入商台的叱咤頒獎禮「我最喜愛男歌手」最後五強,越級挑戰陳奕迅。唔聲唔聲,嚇你一驚!原來坤哥仲有把氹女油嘴,明知龔嘉欣唔吼,照死纏扮矮仔隨傳隨到,最終成功攝期,陪女神食生日早餐。晨早送上門在新 ...


12月 5日朝早九點半,記者發現龔嘉欣和吳業坤偷偷在將軍澳 PopCorn商場撐枱腳,當發覺有人行近,嘉欣即停食望鏡頭。

娛樂偵訊

吳業坤掂咗 龔嘉欣生日放期陪食早餐

出道五年,天生一副毒男樣的吳業坤(坤哥),今年竟然打入商台的叱咤頒獎禮「我最喜愛男歌手」最後五強,越級挑戰陳奕迅。

唔聲唔聲,嚇你一驚!原來坤哥仲有把氹女油嘴,明知龔嘉欣唔吼,照死纏扮矮仔隨傳隨到,最終成功攝期,陪女神食生日早餐。

晨早送上門

在新版《愛•回家》中,吳業坤飾演龔嘉欣細佬,近水樓台,早已𥄫中對手的坤哥,隨即大獻殷勤。

「嘉欣心裡有數,知坤哥好冧自己,不過佢一向都鍾意高大靚仔,坤哥明知唔係嘉欣杯茶,但就繼續扮傻,又做外賣仔隨傳隨到,嘉欣要搵人幫,佢總係第一個舉手先。有時佢明明收咗工,又詐詐帝帝等埋『家姐』,扮晒想黐車坐,實則係點,大家明。」知情人透露。

成功在嘗試!十二月五日,龔嘉欣二十六歲生日當天早上九點半,記者發現坤哥陪龔嘉欣,到她將軍澳寓所附近的商場一起食早餐。二人刻意坐埋餐廳一角,坤哥用外套帽笠頭,壽星女大部分時間亦耷低頭,全程細細聲密斟。據了解,當日兩人都有通告,要返電視城開廠景,坤哥花了不少心機,終於攝到女神的早餐期。

二人之後扮打電話,擰歪面避鏡頭。

龔嘉欣敏感度相當高,發現鏡頭後,索性擰轉頭望實記者。

約家姐去華星冰室食早餐,坤哥為冧嘉欣,更在 ig開名叫股東之一的蔚雨芯出來招呼,展現雄風一面。

扮被飛搏同情

「坤哥面皮厚唔知醜,仲識得扮可憐,周圍同人講自己成日俾女飛,搞到大家都唔會踩盡佢,雖然佢經常用呢招,但又 work喎。」

外表看似毫無殺傷力的吳業坤,推出處男碟不久,已揮低許志安、李克勤,打入商台叱咤「我最喜愛男歌手」最後五強,於短時間內成為網絡紅人,歌曲《原來他不夠愛我》的 MV,以超過三百四十多萬點擊,力壓周柏豪。

微博露餡

坤哥與龔嘉欣合作拍處境劇,他借勢親近,不時上載二人密照,讓人葡萄。

二人合照也拉拉扯扯,似姊弟關係嗎?

近日《愛•回家》拍到龔嘉欣和張振朗拍拖戲份,但坤哥不時留守到二人拍完,再一齊收工。試過有一次坤哥沒有戲份,也專程返廠陪「家姐開工」。

機會主義者

氹女叻,氹人一樣掂!據了解,吳業坤會親自行台,去勻商台港台,周圍向人介紹自己,有次他買埋一大包《魔法奇緣》糖做手信,送俾啲 DJ;其實當時大家都好愕然,但亦因此攞到不少印象分,大家覺得他有童真。

「坤哥好有部署,亦識得雙邊投注,『碼』得 YouTuber小花( Hannah)好實,佢同小花都係參加歌唱比賽入行,大家識咗好幾年,見小花喺 YouTube紅咗,坤哥就同佢行得好埋。早排小花有份拍《網絡挑機》,佢唔收錢幫手出鏡一齊 jam歌,又喺鏡頭前讚對方靚,好識把握眼前機會。」知情人說。

連冧 4女

坤哥一臉傻癡癡,女仔容易上釣,去年他溝掂 Super Girls隊長 Aka,玩了半年地下情,被發現劈腿,有傳 Aka大鬧坤哥「賤男」。

坤哥成功成為網絡紅人,最大原因是識冧近期人氣不俗的 YouTuber小花,為對方的節目做嘉賓,鏡頭前大讚對方靚,又掂,女仔實冧

前年冇乜人氣的坤哥以娜姐粉絲身份合作節目《度身訂造旅行團》,與女神「戀戰沖繩」對足七日,更獲對方親餵食物。

坤哥出處男碟搵吳若希撐,更寫明暗戀「女神」多時,曲線幫自己宣傳。

毒男

10年參加《超級巨聲 2》入行的吳業坤,以毒男形象出道,今年更打入商台叱咤頒獎禮「我最喜愛的男歌手」最後五強,成為網絡紅人。

搏加分

11年,吳業坤、林欣彤為無綫節目《千奇百趣省港澳》當嘉賓,玩完遊戲後最低分的參賽者要接受頭套絲襪的「美人魚」懲罰,輸家林欣彤臨陣縮沙,吳業坤表現風度,幫手代她受罰,贏了不少印象分。

台慶扮棋

14年,在《萬千星輝賀台慶》其中一個環節中扮一隻棋,全程行來行去冇對白。事後吳業坤上載與棋子拍檔何遠東的合照及唱《我是一隻囚禁的鳥》,成為網民熱話。

要吃好西

15年,吳業坤在個人 ig上載生蠔照並留言:「今天工作累了,要吃好西」,被抽水王健吾截圖轉貼,令「吃好西」成為時下潮語。吳業坤亦相當醒目,在毛記電視女主播盤菜瑩子的抽水 post中搭訕,食住條水成功再炒起網絡人氣。

拋離三甲

人氣爆燈,吳業坤勝在唔怕俾人笑,夠面皮厚殺出一條路,拋離同期出道的《巨聲》 2幫三甲。

林欣彤

《巨聲 2》冠軍林欣彤,簽英皇出專輯又拍電影,一度人氣急升,不過因抑鬱、厭食,情緒不穩,近年無以為繼,約滿無綫、英皇不續約的她,有傳會簽王祖藍,並密謀參加新一季《我是歌手》。

胡鴻鈞

《巨聲 2》亞軍胡鴻鈞唱過唔少劇集主題曲,又出過三張唱片,不過令人最留意的,是由方面變 V煞面過程,更被網民形容為「削骨還父」。

羅孝勇

《巨聲 2》季軍羅孝勇,代表香港出戰《 2012年度 TVB全球華人新秀歌唱大賽》奪得金獎,雖然經常出任明珠台節目主持, 14年簽約星娛樂後推出過個人 EP,但發展平平。

撰文、攝影、攝錄:娛樂組


鍾意就快D Share啦!