熱爆娛樂: 嗒糖多年　霍啟山狂追何超蓮 [壹週刊 - 1345] _

2015年12月17日星期四

嗒糖多年　霍啟山狂追何超蓮 [壹週刊 - 1345] __,何超,霍啟山,何超蓮,超蓮,何超儀,M1,

為追超蓮，日前霍啟山特別去一間餐廳的周年派對，準備扮偶遇她，可惜當晚超蓮姍姍來遲，等到呆的他最後走咗。

娛樂偵訊

嗒糖多年　霍啟山狂追何超蓮

賭王三房千金何超蓮同吳克羣四年情玩完，被「偷食羣」傷透心養傷期，但早對她嗒糖的霍啟山已磨拳擦拳，展開熱烈追求；一度情迷 35C內衣鬼模的他，今次終於揀個門當戶對的何家淑女，令霍家上下，都鬆一口氣。

苦心扮偶遇

現年三十二歲的霍啟山，過去的女伴不是藝人便是模特兒，唯一例外，是潘迪生愛女潘楚穎。

但據了解，他早已睇中有財有貌的何超蓮，有時一班朋友唱 K食飯，大家都看得出霍啟山對超蓮好有意；但見她對吳克羣一條心，為免變炮灰，所以一直未有主動出擊。機會終於來了！超蓮重新上市，霍啟山事不宜遲，抓緊機會埋身。

上週四（十二月十日），霍啟山收到風，知道超蓮會出席一間餐廳的周年派對，平日甚少現身這類場合的他，是日西裝骨骨公子 look，一早到場準備扮偶遇。可惜，霍公仔去得太早，超蓮又到得太遲，等了兩粒鐘，在場內顯得甚為冇癮的他，最終放棄先行離去。

搵位埋身

霍啟山（戴眼鏡）一向對超蓮（右二）有意，之前在 ball場遇到，總是拉着她雞啄唔斷，一直把握埋身機會。

霍啟山離去後，超蓮才到場，一班觀音兵見到她即上前簇擁，女神大把選擇！

日前在餐廳周年派對，霍啟山等極唔見超蓮，等到冇癮叫司機接他歸家。

勁多觀音兵

霍啟山離開後，一身 causal打扮的超蓮才施施然到場。不過，當晚除了霍家長房二少外，尚有多位富二代觀音兵，在場等候女神駕到。

甩拖心情麻麻的超蓮，只和在外採訪的傳媒講了兩句，便被一班觀音兵簇擁入場。

「 Eric（霍啟山）同超蓮都係讀倫敦大學，雖然唔同屆，大家相差八年，但之前喺校友活動都有一齊玩過；加上有段時間兩個都鍾意蒲 Volar，大家見慣見熟。其實 Eric好少同富二代拍拖，揀女朋友亦唔論對方背景，好似之前同斯洛伐克模特兒 Lea T.一齊，佢都照帶 Lea返去見過嫲嫲（呂燕妮），但老人家梗係唔鍾意自己個未來孫新抱係內衣 model上年兩個散咗，安樂晒！」知情者說。

失戀超蓮心情麻麻，上週三（九日）兩個 auntie陪她食飯散心。

阿哥霍啟剛娶了國寶晶晶，霍家期望啟山選女友都要門當戶對。

近日超蓮和友人到了泰國旅行，出埠療情傷。

做酒店開餐廳

霍啟山有心追求，不過超蓮卻未 ready接受另一段感情。表面裝強堅稱自己 OK的她，上週三（九日）在灣仔和兩個 auntie食飯，表現有神冇氣。

原打算午飯後返三太公司做嘢，但冇乜心機的超蓮，最後頭耷耷回家。

四年情泡湯，超蓮以專心工作療傷，講到未來動向，她說：「會返媽咪公司幫手，主要做酒店，遲啲可能開餐廳。」