熱爆娛樂: 美心妹妹同班　思琦女學溜冰 [壹週刊 - 1345] _

2015年12月17日星期四

美心妹妹同班　思琦女學溜冰 [壹週刊 - 1345] __,美心妹妹,思琦,楊鎧凝,M1,

單親媽楊思琦一直獨力照顧現年 3歲的女兒楊卓穎，不用開工例必陪實愛女。

探熱針

美心妹妹同班　思琦女學溜冰

37歲的楊思琦做單親媽獨力照顧已三歲的女兒楊卓穎（ Krystal），密密登台吸金之餘，不忘爭取時間親子樂、陪囡囡去上溜冰班，同行仲有新美心妹妹 Keicy（胡梓盈）兩姊妹，其間思琦在旁邊緊盯女兒一舉一動， C9上身。

原校直升冇壓力

單親媽楊思琦緋聞纏身，又要經常返內地登台，但女兒 Krystal始終排首位。

唔使開工，素顏、戴粗框眼鏡打扮簡樸的楊思琦，同媽咪帶住囡囡 Krystal，一家三口去圓方溜冰；是日新美心妹妹 Keicy兩姊妹，由媽咪帶住前來會合，幾個小朋友一見面立即甩開媽咪，但當思琦攞住手機，三位小朋立即自動走上前擺甫士，相當機靈。

據知，思琦幫囡囡報的溜冰班是小班授課，每星期一次，每次一對四教授，半小時收費要一千一百五十元。

「思琦個女已經入咗德望幼稚園，小學中學直升原校機會好高，所以佢都唔太擔心，學溜冰都係個女自己鍾意，佢冇俾壓力！」楊思琦身邊人說。

享受湊女生活的思琦毫不介意踎在地下幫囡囡留影。

思琦對新美心妹妹 Keicy亦照顧有加。

思琦安排囡囡 Krystal，同好友美心妹妹 Keicy一齊參加溜冰班，仲係初哥嘅 Krystal上堂好投入。

跌低自己起身

母性重的楊思琦除了不停幫囡囡影相，又不時撩新美心妹妹 Keicy玩，三位小朋友夠鐘入場，思琦隔住玻璃影到唔願走。

三歲 Krystal初學溜冰，只見她坐在膠櫈上滑行，掌握了竅門後，再扶住櫈仔在冰上慢溜，其間 Krystal試過跌倒，但馬上已可以撐住櫈仔起身，相當勇敢。

半小時的課程轉眼結束，思琦第一時間走到出入口，替囡囡除溜冰鞋，服侍周到。之後一行人操去商場書店睇書，磨了半個鐘，思琦拖住囡囡到停車場攞車，返歸開飯。