網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年12月31日 星期四

狼擒張振朗 正印㷫爆趕走龔嘉欣 [壹週刊 - 1347] __,嘉欣,李嘉欣,張振朗,龔嘉欣,鍾嘉欣,M1,

龔嘉欣雖與坤哥傳緋聞,但她真正目標是張振朗,並不時撩對方頭貼頭selfie再post上網。娛樂偵訊狼擒張振朗 正印㷫爆趕走龔嘉欣龔嘉欣與人氣王吳業坤搞姊弟戀,但原來坤哥只是被利用的下台階。事緣龔嘉欣睇中了在《愛•回家》中的對手張振朗,一廂情願可以戲假情真,經常借開工纏住男方,因而辣㷫張振朗的女友陳芷尤。早前在《歡樂滿東華》最後一part「卡拉之星」環節,陳芷尤趁直播當眾攬住男友唱《天若有情》,宣示 ...


龔嘉欣雖與坤哥傳緋聞,但她真正目標是張振朗,並不時撩對方頭貼頭 selfie再 post上網。

娛樂偵訊

狼擒張振朗 正印㷫爆趕走龔嘉欣

龔嘉欣與人氣王吳業坤搞姊弟戀,但原來坤哥只是被利用的下台階。事緣龔嘉欣睇中了在《愛•回家》中的對手張振朗,一廂情願可以戲假情真,經常借開工纏住男方,因而辣㷫張振朗的女友陳芷尤。

早前在《歡樂滿東華》最後一 part「卡拉之星」環節,陳芷尤趁直播當眾攬住男友唱《天若有情》,宣示正印地位,趕退龔嘉欣。

將錯就錯

張振朗與 34D咪神陳芷尤地下情已有一年半,就算被踢爆同居深井又當眾錫錫,男方都矢口否認。

為保剛起步的事業,唔肯將戀情浮面,結果惹上飛來蜢。據了解,一早對張振朗嗒糖的龔嘉欣,決定將錯就錯當對方單身,又借意營造情侶關係,誤導身邊人以為兩個戲假情真。

「 Owen(張振朗)同 Apple(陳芷尤)雖然都係一齊拍《愛•回家》,但同場唔多,佢哋真係會好避忌,所以大家都以為佢兩個一齊係流料。相反, Owen同嘉欣幾乎日日開拍拖更,嘉欣又實捉埋 Owen落 café食早餐食 lunch,有時得佢兩個,有時坤哥會一齊。

「雖然嘉欣同坤哥傳得好『行』,但『毒男』始終唔靚仔,所以佢對 Owen嘅態度係特別唔同;有時嘉欣早咗收廠,都會等埋 Owen先走,仲成日專登將啲相 post上網,想其他人以為佢哋有嘢。 Apple見龔嘉欣咁狼,咪專登做嘢,等大家都知佢哋堅拍拖。」一名無綫人說。



女人直覺最敏感,張振朗正印陳芷尤大反擊,在早前直播的《歡樂滿東華》深宵環節「卡拉之星」上,黐實男友扮《天若有情》,公開

正印地位。驚冇人睇到,

再 post上 Instagram

示威。

近日《愛•回家》劇情,主力講龔嘉欣與張振朗談情,更有連環嘴戲,難怪女方嘴出真情,不過卻辣㷫張振朗女友陳芷尤。

翻黐坤哥

陳芷尤睇準機會,早前在《歡樂滿東華》深夜直播最後一 part「卡拉之星」環節,攬實男友扮《天若有情》劉華與吳倩蓮揸電單車經典一幕,驚大家走漏眼睇唔到,再上載 Instagram示威。

「佢兩個有共識,等 Owen上到一線先認愛,所以 Apple一直做隱形女友;點知龔嘉欣咬住唔放,如果 Apple唔做嘢,分分鐘出事。最近 Owen都盡量同嘉欣保持距離,免得自己女友唔開心。」知情人透露。

確認正印後,衰咗的龔嘉欣自知嘥彈藥,加上「細佬」坤哥近日連番攞獎做新人王,毒男變男神,龔嘉欣於是抓緊黃金機會,換目標兼轉移大家視線,在微博主動表心跡:「希望每個人也能找到屬於自己的陽光,我願意成為你的陽光。」借人氣坤哥洗甩姣錯張振朗的嫌疑。

「毒男」坤哥近期在各大頒獎禮攞唔少獎,人氣爆燈,紅過龔嘉欣。

去年龔嘉欣曾暗嗒沈震軒,更被拍得在將軍澳茅湖仔村同居,有傳男方一度懷疑女方放料,戀情見光死。

溝張振朗失敗,龔嘉欣日前以坤哥首歌《陽光點的歌》寫肉麻情話,翻冧曾嫌唔靚仔的坤哥。

張振朗與陳芷尤同畢業於第 25期藝訓班,暗撻年半。上月二人被拍得結伴欣賞藝術節 Clockenflap,更被女友啜面珠。但為保事業,男方仍極力否認戀情。《蘋果圖片》提供

34C坡妹 VS 32B嘉欣

新加坡妹陳芷尤現年 26歲,擁有 34C魔鬼身材,在《愛•回家》飾演咖啡妹小雲而為人識。

一向較保守的龔嘉欣,只在早年拍《四葉草》時罕有穿三點式。論人氣贏陳芷尤,但講到身材就認真輸晒。

撰文、攝影、攝錄:娛樂組


鍾意就快D Share啦!