熱爆娛樂: 老豆收 300萬 4卡鑽戒　何傲兒日本陪林建名　周子揚：感情唔係用錢交易！ [壹週刊

2015年12月31日星期四

老豆收 300萬 4卡鑽戒　何傲兒日本陪林建名　周子揚：感情唔係用錢交易！ [壹週刊 - 1347] __,周子揚,林建名,傲兒,何傲兒,M1,

上週六（ 26/12），何傲兒與父親外出，發現記者，何父將車駛入馬會，然後由另一個出口避走。

探熱針

老豆收 300萬 4卡鑽戒　何傲兒日本陪林建名　周子揚：感情唔係用錢交易！

「兒子戀」今年九月玩完，周子揚自爆曾遭前度胞姊何傲芝索每月 20萬生活費，更被指「唔達標」而遭何父棒打鴛鴦，但對方卻不反對女兒跟 78歲大少林建名出雙入對；據知，今年五月，何父三度帶何傲兒與大少講條件，最終收下 300萬及四卡鑽石，讓女兒簽約林建明旗下。工作大計慢慢嚟，何傲兒先與老闆一家遊日陪玩，到除夕晚才返香港。

合作搞時裝生意

戀情曝光後，「兒子戀」分合糾纏十五個月，三十一歲周子揚更一度被指跟七十八歲林建名爭女，搞到爺爺老淚縱橫，但實情是根本冇得爭！

去年申請破產的何傲兒父親何世根，一直反對女兒同周子揚拍拖，只望女兒能結識個有錢人，助他東山再起，而周子揚絕對不是他心中「理想」。

風光時，何世根擁有十四個物業，又係馬主，去年二月申請破產，物業清袋，一家人大屋搬細屋，生活逆轉。

「佢（何世根）成日帶住傲兒陪大少（林建名）入馬場，都係搵機會黐啲有錢人，希望東山再起。舊年已經氹掂大少投資搞時裝生意，後來爆咗『兒子戀』，大少好似輸家咁成日俾人問，搞到佢好唔耐煩，何世根唔想得罪『老細』，就帶埋傲兒去氹番大少，佢俾個女同周子揚一齊，咪等同自斷米路！後來佢哋轉玩地下情，但每次俾人影到，何世根都會大發脾氣，問個女有乜嘢幫到屋企！」知情者說。

何傲兒陪林建名遊東京，同行還有林生細女 Veronica。

「兒子戀」曝光十四日，何傲兒單方面宣布同周子揚分手，其實是受家人壓力轉玩地下情。

何父破產後，兩個女兒成了家中經濟支柱，何傲芝與蕭正楠拍拖期間，亦被指當對方係人肉提款機。

三度面談講數

今年四月，何傲兒約滿無綫，目標是將女兒簽到林建名旗下的何父，三度帶何傲兒同林建名面談傾條件。

「除咗同大少傾好會合作搞時裝生意，何世根亦收咗三百萬同四卡鑽石，作為傲兒嘅簽約費用。」

投靠林建名後，何傲兒和周子揚地下發展，今年九月，二人被拍得夜半車廂密會，被警察照田雞後，何父大發雷霆，兩人最終在九月底正式分手。

回復單身的周子揚，平安夜大爆曾遭前度家姐何傲芝，苛索每月二十萬生活費，爆響口的他更對本刊表示所講全部屬實。

「佢爹哋同家姐唔止一次打（電話）嚟，叫我同 Lily（何傲兒）分手。我講嘅全部事實！一直以嚟抑壓咗好耐好唔開心，亦帶俾屋企人好多麻煩，所以先講出嚟！」

同周子揚車廂夜會後，何傲兒陪爺爺睇祖兒克勤演唱會補飛。

「兒子戀」熱戀期，二人在睇傢俬時，亦忍唔住連環 13啜。《蘋果日報》圖片

傾掂數！何傲兒五月正式投靠林建名，簽約儀式更儼如搞婚禮。

不滿老死幫口

對於何氏姊妹發聲明否認事件並揚言追究，周子揚聲稱講真話唔會驚，更坦言不滿好友張明偉（何傲芝男友）幫口。

「佢女朋友問我攞錢，每個月係六位數字，你試吓俾人要脅攞錢，感受係點！佢撐女朋友我明白，但冇分清楚對與錯，如果問人攞錢係啱嘅，咁係乜嘢道德觀念，係乜嘢價值觀！」

何傲芝向他要求每月二十萬生活費時，周子揚指對方的態度有如要脅。

「係有要脅成分！我希望何傲芝同佢屋企人，以後識朋友，都唔好再用威脅人方式相處！」

過去一年多以來，對「爺孫戀」傳聞，周子揚則好有保留。

「關於林生嘅嘢，我真係唔係咁清楚，但我覺得，感情唔應該建立喺金錢上，咁係唔健康！」周子揚說。