網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年12月31日 星期四

有獎品又有獎金 無綫補償燶面陳展鵬 [壹週刊 - 1347] __,無綫,陳展鵬,陳展,M1,

早前陳展鵬大熱倒灶輸視帝,雖然擸番個豬肉獎,仍難掩不悅之色。娛樂偵訊有獎品又有獎金 無綫補償燶面陳展鵬失落視帝,陳展鵬當眾面黑,有指事後他上門找曾勵珍講數!半邊仔唔開心,珍姐立即諗計安撫。除了有16年重頭劇《巨輪2》助爭視帝外,還有連串搵銀計劃,包括廣告代言及登台,亦會安排唱主題曲出碟,安撫行動,出齊獎品獎金。講數幾粒鐘陳展鵬憑《張保仔》「十一貝勒」一角連掃馬來西亞兩視帝,但在無綫頒獎禮卻被眾望所 ...


早前陳展鵬大熱倒灶輸視帝,雖然擸番個豬肉獎,仍難掩不悅之色。

娛樂偵訊

有獎品又有獎金 無綫補償燶面陳展鵬

失落視帝,陳展鵬當眾面黑,有指事後他上門找曾勵珍講數!半邊仔唔開心,珍姐立即諗計安撫。除了有 16年重頭劇《巨輪 2》助爭視帝外,還有連串搵銀計劃,包括廣告代言及登台,亦會安排唱主題曲出碟,安撫行動,出齊獎品獎金。

講數幾粒鐘

陳展鵬憑《張保仔》「十一貝勒」一角連掃馬來西亞兩視帝,但在無綫頒獎禮卻被眾望所歸的黃秋生截胡;雖然無綫已安排他攞「我最喜愛男角色」,但陳展鵬無法釋懷當眾黑面。

事後,有公司同事目睹,陳展鵬到製作部搵珍姐理論。

「嗰日煎 Pang自己一個返公司,佢哋傾咗好多粒鐘,由珍姐間房開始傾到落西餐廳。其實輸俾秋生應該心服口服,但煎 Pang喺大馬攞咗兩個視帝,個心雄晒!加上之前有風話秋生唔係自己人,未必會俾獎佢,煎 Pang就更加以為自己有機會。

「不過煎 Pang始終係珍姐一手簽返嚟,一向都好睇佢台戲,今次撞正秋生都冇辦法,但聽講珍姐應承佢,出年嘅《巨輪 2》同《城寨英雄》,會力谷,仲話《巨輪 2》可以睇高一線,幫佢攞視帝。」知情人說。

陳展鵬輸俾黃秋生,外界認為合理,反之胡定欣今屆首奪視后,有指其他一線花旦如楊怡等,也不服賽果。

珍姐視陳展鵬如仔看待,陳有今天成就,全靠對方一直俾機會。

日前,陳展鵬飛去馬來西亞檳城,出席商演活動,有錢袋,自然識笑。

明年 2月 14情人節,陳展鵬將會與緋聞女友鍾嘉欣到美國登台搵銀,特別節日酬勞又可加價。

情人節陪鍾嘉欣

開期票做視帝,當務之急,要撲熄陳展鵬把火,最實際方法是俾錢佢賺。

據知,大台已為陳展鵬安排連串搵錢大計,包括日前在吉隆坡舉行的汽車潤滑油廣告發布會及檳城商演;嚟緊的情人節亦將與緋聞女友、《巨輪》拍檔鍾嘉欣往美國登台,為稍後推出的《巨輪 2》造勢;另外又霸定主題曲,自己劇自己唱,方便他有自己歌可以登台𢱑銀。

「以前煎 Pang喺亞視已經同鄭世豪、喬寶寶佢哋,跟埋黑妹姐(李麗霞)去登台搵食,因為佢都有唱亞視劇主題曲,有自己歌,登台會受歡迎啲;所以近年煎 Pang好落力爭取自己唱番主題曲、插曲。嚟緊煎 Pang有好多登台做,單係一六年上半年,已經傾咗五、六個地方。」

陳展鵬早前在馬來西亞連奪兩視帝,珍姐與《巨輪 2》監製王心慰(箭咀),拉隊開香檳慶功,可見陳好受重視。

陳展鵬在微博露口風,擔正的《城寨英雄》會於 16年播出,有指他霸埋主題曲唱。

突然好多 job的陳展鵬,近日又忙開新劇《廉政行動 2016》,由電影導演邱禮濤執導。

陳展鵬近日在大馬人氣不俗,連當地汽車潤滑油廣告都做代言,大台出唔少力。

霸住唱主題曲

期票支票雙管齊下外,據了解,無綫會為陳展鵬物色唱片公司出碟。

「煎 Pang以前簽過寶麗金,但出完隻 EP就玩完;佢一直都想做番歌手,舊年續約已經同公司講過想簽唱片公司,無綫依家要氹番煎 Pang,所以會積極發力,暫時傾緊 Neway,但未成事。」知情人說。

陳展鵬有商演市場,早前他曾拍住唱家班蔣志光及韋綺珊登台。

早年陳展鵬曾簽寶麗金並出過一張 EP,更成立歌迷會,當年白白淨兼天生勾鼻,外形明抄劉華。

無端白事,陳展鵬都會成為滅罪之星,好厲害的曝光率。

我始終最好

順得哥情失嫂意!人人都覺得自己最有資格稱帝,一旦攞唔到,就滿腹牢騷,甚至執包袱,一於唔撈!

張智霖

13年張智霖憑《衝上雲霄 II》「 Cool魔」一角大熱角逐視帝,最後敗給黃子華,他上台攞豬肉獎「最受歡迎電視男角色」時,笑容牽強又寸爆:「咁係咪代表 TVB唔鍾意我呢?」之後更發表「義氣仔女論」。

林峯

12年憑《雷霆掃毒》競逐視帝大熱倒灶輸給黎耀祥,連豬肉獎亦分了給馬國明,慘食白果的林峯嬲爆完騷即閃,並對記者說:「係有失望,唔開心冇得喺台上多謝 fans同家人,如果是我便好了。」之後林峯成立個人工作室,為 14年約滿離巢鋪路。

謝天華

11年謝天華憑熱爆角色「 Laughing Gor」角逐視帝,最終敗給鄭嘉穎,擔正的《潛行狙擊》雖然奪「最佳劇集」,謝天華卻缺席慶功。

撰文、攝影、攝錄:娛樂組


鍾意就快D Share啦!