【21:22 更新】涉事的陀飛輪停止運作大約45分鐘，經工程人員檢查後已經恢復正常。「個陀飛輪講到好似好安全咁，以為信得過，點知會發生啲咁嘅事！」傍晚6時許，讀者林小姐與姓陳丈夫及朋友，一行6人到前啟德機場跑道舉行的《東華慈善嘉年華》，「見佢入場券$20咁抵玩，平安夜又唔想同人迫，又唔想再去AIA，咪去試下玩新嘢囉」。林小姐指當時有很多人排隊等玩陀飛輪，「開頭一至兩個人玩嗰陣，上咗去綁完安全帶就開得機，玩唔夠一分鐘就落返嚟」，有見及此她與朋友到充值亭充值，而她的丈夫則率先試下全場的焦點機動遊戲陀飛輪，「開始嗰陣搞安全措施都搞咗成5分鐘，之後轉咗兩分鐘左右，差唔多落返嚟嗰陣，大約係個45度嘅位置突然停咗」。自認膽小的林小姐見到丈夫「半天吊」，嚇得驚惶失措，「啲工程師同埋好多工作人員走嚟走去，好似處理緊啲野，但都無同我哋講咩事，淨係話佢哋落緊嚟嫁喇，100%安全」。不過，她表示陀飛輪未有降落的迹象，而且更相繼傳出鐵板撞擊的「啪」一聲，大約過了5分鐘左右，陀飛輪的油壓位才慢慢降落。她續指丈夫一度離地5米，與另外8人「半天吊」大約20分鐘，雖然最後平安無事著地，但仍需工程人員用人手解除安全帶，直言「平安夜並不平安」，「老公最後平安無事梗係開心啦，搞到o依家其他嘅機動遊戲都唔敢玩啦，要出去食飯定吓驚」，有關單位亦就事件向他們賠償3張180元的充值卡。涉事的機動遊戲事後已經停止運作，而工程師亦到場了解及檢查，其間有不少市民到場想玩陀飛輪，但得悉早前出現故障後，只能無奈離去轉玩其他設施或攤位遊戲。想睇最新消息？ 即時follow【現場－蘋果突發】fb！http://fb.com/applecitycrime
| 9人在陀飛輪上半天吊20分鐘，事後有工程師在場檢查機件。 |  林小姐指丈夫半天吊20分鐘，情況驚險。 |  涉事的機動遊戲已經停止運作，工程師亦在場檢查。 |
 涉事的機動遊戲暫時停止運作。 |  林小姐指丈夫半天吊20分鐘，情況驚險。 |  涉事的陀飛輪停止運作大約45分鐘，經工程人員檢查後已經恢復正常。（溫瑞麟攝） |
 涉事的陀飛輪停止運作大約45分鐘，經工程人員檢查後已經恢復正常。（溫瑞麟攝） |
|
鍾意就快D Share啦！
|
|
|