27歲嘅何傲兒(Lily)去年被踢爆與78歲嘅林建名發展「爺孫戀」外，又跟「西貢地王」太子爺周子揚拍拖，周旋於兩個男人之間，真係好辛苦！不過Lily最近終於有咗決定，消息指Lily喺今年9月正式跟周子揚提出分手，一年半欲斷難斷關係結束。據了解「兒子戀」分手，係因為何傲兒爸爸何世根畀咗好大壓力。何父以前曾經係馬主，擁有多間公司及坐擁14個物業，包括逾千萬長沙灣鋪王；但好景不常，去年2月何父突然自行入稟高院申請破產，從此家道中落，經濟重擔亦落在兩個女身上。何父自從破產後性情大變，兩個女同邊個男仔拍拖都要嚴格監管，尤其唔鍾意女兒同圈中人拍拖，反而想搵一個超級富豪、幫到屋企經濟嘅男人做未來女婿。據聞周子揚同何傲兒一直都係真心相愛，但因為周子揚家境「唔達標」，令到傲兒終日要以淚洗面，痛定思痛下向周子揚提出分手。周子揚為氹何父開心，每逢大時大節都會送禮到何家，可惜何父覺得其家境「唔達標」，連見家長機會都無。相愛不能愛，令何傲兒終日要以淚洗面，痛定思痛下於三個月前向周子揚提出分手，結束一年半感情。今日《蘋果》記者致電周子揚求證，佢承認三個月前分手，佢話﹕「係，每次我地畀人影到，Lily嘅Daddy都會極力去提出要我哋分開，惟有順應佢Daddy，尊重佢先咁做。」周子揚坦承曾被苛索生活費，佢無奈咁話﹕「Gigi(何傲兒家姐何傲芝)曾經親口提出問我每月攞十萬至廿萬生活費畀佢屋企，如果畀唔到就唔使同佢細妹再繼續拍拖、交往；佢哋屋企又曾經有啲稅務問題，都有問過我攞廿幾萬，我都有諗過努力搵錢，或去做借貸幫佢哋屋企，但同屋企人商量後覺得事態有啲奇怪，所以拒絕咗。」咁分手同林建名有冇關係？周子揚似有難言之隱話﹕「唔....主要係何父畀壓力Lily。我知道林生冇畀壓力，我相信我哋係真心相愛，好可惜有啲根本問題係解決唔到，我個人點解決啫，咁複雜。」另有傳周子揚四圍夜蒲媾女先導致分手？周子揚話自己好冤枉﹕「其實之前冇正式交待分手，我依家單身，同朋友聚會好正常；但我好肯定同Lily一齊時好專一，真係有諗過搵多啲錢幫佢屋企，達到佢Daddy要求。」
|
鍾意就快D Share啦！
|
|
|