網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年12月25日 星期五

好拍檔繆美詩哽咽:無法理解 __,

■鄧景輝遺體由仵工移送殮房。翁鈺輝攝【本報訊】一代「新聞王子」鄧景輝離世,觀眾傷感,傳媒同業亦感悲哀。鄧生前在多間傳媒機構工作,人緣甚佳,一眾好友及舊同事對他遽然離世均表示震驚及惋惜。鄧當年在亞洲電視的最佳拍檔、前女主播繆美詩昨得悉噩耗後傷心不已,接受《蘋果》訪問時,多次以「MrGoodMan」和「超級歡樂先生」來形容鄧景輝,並稱讚鄧無私提攜後輩,「佢對人好親切,無論你係一個小檸檬、小番薯或者係大 ...




其他影片:>>






【本報訊】一代「新聞王子」鄧景輝離世,觀眾傷感,傳媒同業亦感悲哀。鄧生前在多間傳媒機構工作,人緣甚佳,一眾好友及舊同事對他遽然離世均表示震驚及惋惜。

鄧當年在亞洲電視的最佳拍檔、前女主播繆美詩昨得悉噩耗後傷心不已,接受《蘋果》訪問時,多次以「Mr Good Man」和「超級歡樂先生」來形容鄧景輝,並稱讚鄧無私提攜後輩,「佢對人好親切,無論你係一個小檸檬、小番薯或者係大明星,佢唔會因為對方係小番薯而唔同佢講嘢」。在工作上,鄧亦有要求,但「佢唔會婆婆媽媽,唔係語重心長嘅人,而係好親切朋友,佢係一個好cheerful嘅人」。

「希望大家記得佢笑容」

最令繆美詩印象深刻的是1999年颱風約克襲港,天文台掛起10號風球,「佢嗰日要出去採訪,畫面上佢吹到反艇」。談起好拍檔的昔日風采,繆美詩一度哽咽謂:「無法理解佢最後選擇,但希望大家記得佢經典開朗笑容!」

曾跟鄧景輝一齊主持無綫節目《香港直播》的資深傳媒人陳海琪直言,心情「好sad好震驚」,她表示︰「最後一次見面係年幾前喺數碼港,佢當時喺DBC,我喺D100,大家喺數碼港相遇傾咗幾句,佢同我講:『唉吔你快啲走啦,遲到喇!』我回咗佢一句:『人生從來都冇遲到㗎!』我𠵱家諗番好傷感!」

剛於今年中與鄧景輝參演《齋噏冇秘笈.我們的集體回憶.香港組曲2015》舞台劇part2的張學潤(Nelson)亦謂,「佢一向都好nice,好好人,亦成日笑臉迎人。希望大家情緒有病唔開心要睇醫生,有咩睇唔開搵朋友傾吓,問題一定可以解決」。

鄧景輝近年加入DBC數碼電台,有新入行的DBC員工稱,鄧每天早上6時便上班準備晨早新聞節目,工作認真,對後輩循循善誘,無私作出指導,更會開旁述班,親自教新人讀音咬字。

■記者黎栢琛

同業悼念

亞視前主播繆美詩:

佢係一個帶畀人歡樂嘅人,大家覺得佢好charm,最經典係笑容。

無綫前主播李家文:

新聞界真正用心、專業的主播、一直默默扶助後輩的、正是不可多得的他。

無綫前體育主播伍家謙:

好震撼,好唔能夠相信!一直見佢都係開朗,佢係一個前輩,好開朗嘅前輩。

無綫前主播黃大鈞:

他非常健談及有風度,每次見到他也會跟他聊兩句,感覺他博學及有內涵。


鍾意就快D Share啦!