【本報訊】永情婚紗突然結業，有公司前員工向《蘋果》稱，被捕東主夫婦十分醃尖勢利，行為怪誕，他們會透過閉路電視打量客人，「睇樣、年齡同身材，如果樣唔夠靚、肥或者太高都唔鍾意」，她常聽到兩人說：「唔做呢個客，趕佢走！」
這名不願透露姓名的女員工說，謝志樂及謝煥欣兩夫婦各司其職，丈夫負責日常營運，妻子則專責招攬客人，而且花錢豪爽，「一日使一、兩萬蚊好閒，今日貪靚駁髮，第二日就即刻拆咗佢，畀啲客覺得佢生意做得大，賺好多錢」。她又指，二人不接待walk-in客，要客人留電話然後回電對方，詢問新人有無訂酒席等，要問得很清楚才做生意。
她續指，公司指示員工要求客人付款購買婚紗套餐後才可試婚紗，規定對客人說：「你揀啱package畀咗錢，先可以試衫。」或要對方支付試婚紗費，一般加收3,000多元。
■記者阮斌、林熊
來源 source: http://hk.apple.nextmedia.com
|
鍾意就快D Share啦！
|
|
|