紀惠集團行政總裁湯文亮，一年前大家可能對此人兄不甚了解。不過自從年初2月份時，湯文亮直指細價樓會在三個月內爆煲！於樓市大旺時，作出此語出驚人的論調，湯文亮隨即聲名大噪，更被冠以「細價樓爆煲之父」！雖然樓市未有一如他所預言，於年中爆煲。然而樓價，特別是細價樓，於第四季出現明顯出現調整。時至年底，湯文亮亦直言，今年細價樓的確比自己預測遲了「爆煲」，不過，他認來年都會繼續向下，最少都要跌15%至20%，並呼籲準買家「勿買當頭跌」，租樓等市跌定才入市。湯文亮堅持看淡細價樓，明年樓市會繼續尋底，平均跌約一成，但跌勢由細價樓主導。「細價樓起碼跌15%至20%，中價樓會微跌，2,000萬以上豪宅價平穩，超級豪宅仲會有得升」。湯文亮直言，樓市轉壞與加息因素無關，「一定唔會大幅加息，就算加完息個息口仲好低」，而是持續有大量一手供應，購買力已大不如前。以往年尾至農曆新年期間，發展商都只會主力賣貨尾，「將購買力餓兩、三個月，等過年後爆一次小陽春，但發展商現時繼續開盤，過完年都冇晒力」。之前銀行估價進取，現時樓市氣氛逆轉，銀行估價趨保守，湯文亮形容明年樓市會陷入「新樓借唔足，舊樓賣唔郁」的困境。「現時樓市未係最大鑊，其實好多業主呢一、兩年已經買咗新樓，就快要收樓，變成有兩個物業。若然新樓借唔到按揭，點都要賣自己層樓，但二手成交太少，未必咁易出到貨，所以到時樓價可能會再跌」。由於未來數年都有不少新樓入伙，湯文亮相信「會有好多劈價盤出現，買樓應該係寧買當頭起，勿買當頭跌」。如果並非有迫切性一定要買樓，不妨先租兩年樓，屆時樓價應該已跌定，買家可以買到符合自己負擔能力範圍內的單位。對於樓市開始向下，業界已有聲音希望政府減少部份辣招。湯文亮認為目前最有機會都只是放寬按揭，可以令用家毋須負擔太大筆首期買樓，其他辣招都不會有改變。「政府第一次推出辣招，當時中原指數CCL都未夠90點，現時比當年高出40點，根本冇條件減辣」。他又相信，只要由梁振英做特首，樓市都減辣無望。記者：程俊華掌握財經生活資訊，即Like「蘋果ATM」fb專頁
http://fb.com/appledailyatm
|
鍾意就快D Share啦！
|
|
|