網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年12月30日 星期三

句句有火 《導火》唔怕得罪權貴 王宗堯怒爆:官大過法律! [FACE - 449] __,王宗堯,MF,

簡單一場追訪戲份,但《導火》班底同演員就堅持拍足10個take先收貨,個個演員跑到身水身汗,周家怡仲跑到腳仔軟,巧認真!製作咁認真,不過就唔會喺大台睇到囉!真面目句句有火 《導火》唔怕得罪權貴 王宗堯怒爆:官大過法律!《導火新聞線》電影版日夜趕拍,雖然開鏡初期發生主角王宗堯同客串莊思敏互罵小插曲,不過王宗堯話咁快重拾心情,工再開!週日(27日),王宗堯、周家怡同楊淇拍攝一場交通意外追訪戲份,總動員 ...


簡單一場追訪戲份,但《導火》班底同演員就堅持拍足 10個 take先收貨,個個演員跑到身水身汗,周家怡仲跑到腳仔軟,巧認真!製作咁認真,不過就唔會喺大台睇到囉!

真面目

句句有火 《導火》唔怕得罪權貴 王宗堯怒爆:官大過法律!

《導火新聞線》電影版日夜趕拍,雖然開鏡初期發生主角王宗堯同客串莊思敏互罵小插曲,不過王宗堯話咁快重拾心情,工再開!

週日( 27日),王宗堯、周家怡同楊淇拍攝一場交通意外追訪戲份,總動員跑足 10次先收貨,王宗堯仲即時 po相勁抽吳克儉局長水!王宗堯仲話新戲有爆點:「新戲圍繞住法律!圍繞住官大過法律!因為有一啲人開始覺得可以凌駕於法律之上!」希望神劇唔好又開口中

《導火新聞線》電影版繼續由原本幕後班底及演員孭飛,今次除咗新增達哥吳孟達坐陣搶票房外,劇情亦升呢到諷刺政治層面。週日( 27日)拍攝嘅一場傳媒追訪戲份仲同吳克儉局長近日指被記者跟蹤一幕好鬼似!

當日王宗堯即時 po咗張相抽水,留言話「吳局長,你已被包圍咪走!」,男神啲黑色幽默真係正!(網上圖片)

整個聖誕假期,教育局局長吳克儉玩足咁多日,為阻撓記者追訪,仲報警求助,警方亦冇理會記者出示記者證,仍被帶回署扣查個半個鐘。《蘋果日報》圖片

「點會驚記者跟你」

電影版主角王宗堯、周家怡同楊淇喺荔枝角拍攝一場採訪交通意外戲份,當日周家怡仲係最辛苦嗰個,她說:「嗰日真係跑到腳軟!充分了解到咩叫有心無力!因為太耐冇做運動,膝頭有啲痛!唔知係咪對鞋有小小內踭,落地變咗向前衝。」

而王宗堯仲即時上載咗張追車相,留言「吳局長,你已經被包圍咪走」,擺明抽水:「咁啱睇見張相有感而發!因為都係早幾日先發生,覺得點解官員杯弓蛇影,覺得自己身有屎,如果你行得正企得正,又點會驚記者跟你!」。

《導火》製作班底製作認真,每個動作每個場口都𥄫到實,主角王宗堯仲不時同導演方俊華(格仔衫者)交流意見添!

《導火》電影版製作班底同演員之間已有一定默契,方俊華導演只係手指指,楊淇已經知道佢想點!

週日( 27日),《導火》拍攝一場小巴撞車戲,小巴司機由龔慈恩飾演,不過龔唔識揸小巴,所以當日就唔見佢,全程由替身拍攝。

而《導》片新角吳孟達仲係操控成個故事嘅靈魂人物,王宗堯話:「嗰場係講小巴發生交通意外,係導火線,而呢件事引伸出背後一件大案件,同達哥有關,佢仲喺電視台要脅咗一啲人!(題材?)主要講新聞自由同法律上漏洞,圍繞住法律!圍繞住官大過法律!因為有一啲人開始覺得可以凌駕於法律之上,官員會夾硬喺我哋身上加諸一啲罪名,咁法律對市民仲有幾大保障呢?我們《導火》某程度都有講小小呢個議題!我哋大家都係非常關心社會現象!」如果大家都咁熱血就好

新戲新增猛人吳孟達坐陣,達哥仲成為戲中靈魂人物,演出令人期待!(網上圖片)

「皇阿媽」梁小冰因為工作撞期而辭演《導火》。(網上圖片)

本土男神 新戲又係講投票

王宗堯身體力行支持佔中學生,佢除咗關心時事同敢於發聲外,仲對純本土製作電影好支持㗎!王宗堯早前拍住黃絲成員杜汶澤同黃秋生合作新戲《選老坐》快將上映,戲中講黑社會都要玩投票添!

同為黃絲嘅王宗堯有份演出杜汶澤新戲《選老坐》,劇情仲講一人一票選黑社會大佬添!《蘋果日報》圖片

王宗堯支持本土製作電影,早前喺《同班同學》就同 Ashina有連場肉搏場口,男神仲露埋 pat pat,巧激㗎!

採訪、撰文:娛樂組

攝影:吳祟基


鍾意就快D Share啦!