網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年12月8日 星期二

金剛證冇同蕊蕊分手:仲一齊瞓 __,蕊蕊,金剛,陳蕊蕊,

金剛證冇同蕊蕊分手:仲一齊瞓無綫藝人金剛早前捲入台灣夜場槍擊案後,昨日凌晨終於由台返港,談到有傳他與女友蕊蕊分手,雖然蕊蕊未有接機,但金剛仍堅定表示他倆關係沒變,仍同居兼「一齊瞓」!而全黑上陣的他笑言十分「黑仔」,再三強調與事件無關。蕊蕊承認嫌遠未有接男友機,但力證與金剛感情不變。金剛由台灣平安返港,心情大靚。金剛表示仍與蕊蕊同居兼一齊瞓!沒有女友接機,金剛在友人接載下離開。捲台灣夜場槍擊案的金剛 ...


無綫藝人金剛早前捲入台灣夜場槍擊案後,昨日凌晨終於由台返港,談到有傳他與女友蕊蕊分手,雖然蕊蕊未有接機,但金剛仍堅定表示他倆關係沒變,仍同居兼「一齊瞓」!而全黑上陣的他笑言十分「黑仔」,再三強調與事件無關。

蕊蕊承認嫌遠未有接男友機,但力證與金剛感情不變。

金剛由台灣平安返港,心情大靚。

金剛表示仍與蕊蕊同居兼一齊瞓!

沒有女友接機,金剛在友人接載下離開。

捲台灣夜場槍擊案的金剛,早前被帶返警署助查。

採:影視組 文:專案組

來自台灣的無綫藝人金剛早前捲入台灣夜場槍擊案,事發後他曾表示往夜場是與香港朋友洽談開舖事宜,怎料一出電梯便因現場七國咁亂,他被人推入廁所,由於身在案發現場,其後更要協助警方調查。期間有傳他與蕊蕊分手,但金剛力證情比金堅,二人仍「一齊瞓」!

「點會有女仔坐枱」

昨日凌晨12時50分,金剛由台灣平安返港,未見女友蕊蕊前往接機,由一名男友人駕車接載。全黑打扮的金剛,步出香港機場時心情輕鬆,強調槍擊案與他無關:「真係唔關我事,係朋友話介紹朋友畀我識,一上到去出(車立)就已經打緊,好混亂!連房都未入,已經畀人推入廁所。(咁你唔即刻走?)都行咗一段路仔,係侍應叫我入廁所,後來等差人到先出去!(有冇聽到槍聲?)聽到幾聲,其實好好笑囉!講到成件事好似關我事咁,我又覺得真係黑仔!」

金剛透露在當地地檢署接受調查16小時後,因查明與他無關終獲釋。談到被指在夜店有陪酒小姐坐枱,因而令女友蕊蕊不滿,金剛說:「重點係我都未入到去,點會有女仔坐枱?去呢啲地方好睇自己,我又唔飲酒,係諗住打聲招呼就走。」有傳他已與蕊蕊分手,雖仍同住但分房瞓,他堅稱與蕊蕊仍「一齊瞓」:「呢啲嘢真係傳聞嚟。(仲係一齊瞓?)係一齊瞓嘅,但我覺得真係太多傳聞(有冇嗌交?)兩個人生活間中都會有。(關係冇變?)冇變,冇分手。(蕊蕊唔嚟接你機?)太遠」

否認欠百萬賭債

而金剛表示是次赴台灣是為了傾生意,但只是很初步階段,並笑言下次要到咖啡店傾生意,問到下次會否帶蕊蕊同行?他說:「唔鍾意工作帶埋女友,正如佢做嘢,我都唔會跟去。」

另外有指他欠下百萬賭債,他十分「勞氣」地說:「我從來都唔賭,點會有一百萬呢個波數出嚟?如果有,真係唔該攞證據出嚟,我覺得呢單新聞真係搞到我勁煩!」

蕊蕊承認嫌遠未有接男友機,但力證與金剛感情不變。

金剛由台灣平安返港,心情大靚。

金剛表示仍與蕊蕊同居兼一齊瞓!

沒有女友接機,金剛在友人接載下離開。

捲台灣夜場槍擊案的金剛,早前被帶返警署助查。


來源 source: http://the-sun.on.cc
鍾意就快D Share啦!