在香港會展為影星張鐵林坐床賜冠搞出事，最終港產「活佛」如意寶白瑪奧色法王道歉認衰！原來今年10月4日的法會，是慶祝國慶66周年祈福大法會，港人熟悉的鍾樹根（Tree Gun）議員是主禮嘉賓。今日《蘋果》記者問番Tree Gun，佢話同「活佛」唔熟，畀面去主禮，至於活佛真假，Tree Gun話：「佛教嘅嘢真係唔理解。問返啲朋友先。」
鍾：國慶活動通常叫到我都會去。去一陣就走了。
記：現在大陸話是假活佛？
鍾：媒體傳得好行，我都不知真定假，我要問返啲朋友查清楚先。我嗰日早去早走，其他就真係不知。
記：法王直接找你？
鍾：有朋友是他弟子，話師傅有個國慶活動，你來畀吓面參加了。一講到畀面都要去我都早走，都無食飯。
記：私下唔識？
鍾：唔熟，都知他是邊個，點過頭，又不能話唔識。宗教我就無信仰，仲要藏傳佛教咁神秘，我真係唔識。
記：而家爆出醜聞後，佢再叫你去不去？
鍾：咁要看咩事了，我而家都找不到他，仲搵緊人問。
記：佢在本港政商界都活躍......
鍾：係囉，所以我有時參加吓，主吓禮，如果你蘋果邀請我都會到。
白瑪奧色有份創立的世貿聯合基金總會秘書長就是鍾樹根；該會榮譽主席兼第一副主席就是李慧琼 。
當日「慶祝國慶66週年‧護國息災如意寶白瑪奧色法王無量壽佛千供祈福大法會」，主禮嘉賓還有中聯辦8個部長級官員，立法會議員李慧琼、鍾樹根、謝偉俊，演藝界有呂良偉。還有聯合國經社理事會常委、聯合國兒童基金會香港委員會主席陳晴，兩岸和平發展聯合總會會長陳守仁，港區全國人大代表陳勇，全國政協委員陳金烈，莊世平基金會副理事長莊榮新，兩岸和平發展聯合總會理事長吳天賜，廣州市政協委員、北京青聯副主席馬志達，北京青聯副主席張俊勇，香港教育工作者聯會會長黃均瑜，環球譽通投資有限公司董事長莊永健，兩岸和平發展聯合總會理事長蘇永安，香港九龍總商會監事長黃熾雄，全國人大代表林廣兆，香港影視紅星張兆輝，福建社團聯會永遠名譽主席李建超，香港佛教聯合會執行副會長何德心，國家一級演員劉玉婉，慈善企業家楊小娟等。參加者有3,000人！
《蘋果》記者
|
鍾意就快D Share啦！
|
|
|