祥嫂洪金梅連日爆seed，力數四子女儼如紅衛兵，為錢失和，更不惜揚家醜，指摘子女，雙方關係決裂。
祥嫂不斷發功數落，可是兆尊等人一直未有反擊。今日一頭白髮的兆尊到旺角麥花臣球場音樂會任司儀。問佢係咪因為家事煩心致一夜白頭？佢就笑笑口話:「唔好提喇，聖誕節，咪趁下白色嘅頭髮囉。」以為你為屋企事煩惱咋，兆尊就話:「唔係吖，冇煩惱。」
兆尊又表示同祥嫂沒有聯絡，仲話:「邊敢呀？依家咁開心嘅日子。」又謂知道有種種報道，但就冇睇晒。佢話四兄妹都有傾過祥嫂連日發功事件，不過佢哋最後都係一致決定唔睇。咁祥哥遺產分配有冇問題？佢話冇問題；但祥嫂話死後唔會分遺產俾佢哋喎，兆尊即謂:「千祈唔好分俾我!我唔想再介入呢啲問題，最好佢自己使晒佢。我唔鍾意屋企留嘢俾我。」
對於祥嫂自責冇好好教育子女，只係掛住照祥哥，令子女變成「紅衛兵」，兆尊表示:「下？紅衛兵？我冇呀。我從來冇做過紅衛兵做過嘅嘢，我做番普通仔女做嘅嘢。」至於新年得兆榮去拜年之指摘，兆尊亦否認:「我哋次次都係一班人去嘅。」
來源 source: http://hk.apple.nextmedia.com
|
鍾意就快D Share啦！
|
|
|