中港婚姻下，為香港社會帶來的，到底是壓力還是生產力，港人點滴在心頭；而入境處前線工作人員，亦面對沉重工作壓力。2011年，來自湖南的蔣麗莎，在長沙與陳浩民註冊結婚，四年四度有喜。長居大陸拍戲的陳浩民，選擇在港生活生B，寧願中港兩邊走；未取得香港身份證的蔣麗莎，亦要挺着大肚子，不時來港照顧小朋友。今日晚上近7時，蔣麗莎在微博貼圖並撰文，寫道：「下飛機帶個孩子又被帶到入境處審問，我這4年來已經把這裏混 ...
中港婚姻下，為香港社會帶來的，到底是壓力還是生產力，港人點滴在心頭；而入境處前線工作人員，亦面對沉重工作壓力。
2011年，來自湖南的蔣麗莎，在長沙與陳浩民註冊結婚，四年四度有喜。長居大陸拍戲的陳浩民，選擇在港生活生B，寧願中港兩邊走；未取得香港身份證的蔣麗莎，亦要挺着大肚子，不時來港照顧小朋友。
今日晚上近7時，蔣麗莎在微博貼圖並撰文，寫道：「下飛機帶個孩子又被帶到入境處審問，我這4年來已經把這裏混成了半個家，經常被請過來…都不明白了，為甚麼每次都會這麼麻煩，等了100個多分鐘，還在無望等待…真心身心疲憊，奔潰…都要生第四個孩子了，難道我還會假結婚嗎？這效率太低了！陳浩民benny 不明白這是甚麼制度？」
附文三張圖，一張是蔣麗莎自拍，另外兩張是入境處內的偷拍。留意番，這裏是嚴禁拍攝。
蔣麗莎接受電話訪問時，表示入境處質疑她為何仍未預訂床位生B，蔣麗莎指：「我啱啱四個幾月，我搵醫生幫我book醫院，佢話『你o依家太早喇！你六個幾月先算啦』。而且，我同陳浩民去銅鑼灣聖保祿醫院book床位，又唔畀我book，佢話你大陸結咗婚嘛，唔係香港籍，你哋一定要返大陸，做一個公證書，但係咁就好麻煩，因為我同浩民唔係日日一齊㗎嘛，佢又要返大陸拍戲，我都我好多嘢要做，好難一齊返長沙搞呢啲嘢。」
咁當日係陳浩民蔣麗莎雙方決定在長沙結婚，而且婚後選擇在港生B；而條例為保障港人，故聖保祿醫院才提出這項要求，但蔣麗莎卻稱：「我之前都生咗三個，都有三次公證書，我一定無可能假結婚，我根本冇可能假結婚。我話我已經有三份公證書，我求其畀你一份啦，佢又話唔得。你一定要我重申再一次，嘩，我真係覺得冇理由！」
蔣麗莎表示，陳浩民在大陸開工，佢本人就剛來到香港：「我唔係單非嘛，因為好快我都可以攞香港身份證，十二月都可以攞到香港身份證，但我覺得o依家咁樣搞好有問題。」
蔣麗莎稱，方才於入境處坐了個多小時，令她十分不耐煩：「點解要等咁耐㗎，一對一，你點解咁慢㗎，我唔明呀。」入境處按條例為香港把關，就係咁簡單。
「入境處同我講，你落嚟香港做乜嘢？我話我小朋友喺呢度，我嚟照顧BB，佢就話你老公唔喺度，你唔可以嚟。我話我老公返大陸，佢就話你老公都唔喺度你落嚟做乜嘢，我就話我三個BB都喺度，要返學㗎嘛！我係單非，但佢爸爸係香港人嘛，我啲小朋友都係香港人嘛，佢喺呢度返學，點可以冇媽咪？佢問呢個問題都好奇怪。」蔣麗莎越講越勞氣。
「佢（入境處）o依家畀我嘅時間都好短，最多畀我一個月，就要我出境。出境之後至返嚟，一定要搵浩民返長沙搞公證書。我之前都有同浩民問過，如果我唔喺長沙搞、喺香港搞（公證書）得唔得呀？佢話唔得，因為驚我假結婚。但係我都話，我都有三個BB嘅出世紙，點會係假結婚？我覺得真係冇腦㗎！」
蔣麗莎表示，唯今之計係夾陳浩民去長沙辦公證書，幾忙都要抽時間上去。「我係單非，但我BB係香港人，我老公係香港人，我有呢個權利，係唔係呀？」
蔣麗莎表示，之前入境處一兩年就可以畀到身份證，但o依家因為驚啲人假結婚，故延至五年左右才發身份證，「好麻煩真係。好簡單嘅事，大家要搞到咁麻煩。」
| （資料圖片） |  陀第四胎嘅蔣麗莎，喺微博投訴香港入境處效率低等問題，佢仲偷拍入境處辦公室情況 |  陳浩民同蔣麗莎結婚四年，年年生一個，全部嚟晒香港生活 |
