網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年1月28日 星期四

開大片酒樓內 惡人起底 [壹週刊 - 1351] __,M1,

亂到七彩,有人連櫈都拿起來掟。爆壹爆開大片酒樓內 惡人起底早排旺角創興廣場一間酒樓,發生打鬥事件,之後仲有現場打鬥嘅片喺網上流傳,引起網民瘋狂「些牙」。爆哥都睇過條片,真係打到七彩,仲勁過宇宙最強啲戲。條片兩分幾鐘,見到二十幾人互相推撞爆粗,繼而開拖。現場情況好鬼混亂,杯碟橫飛,之後仲有人反枱添。雖然不斷有人大叫「唔好打」,但班友仔已經着晒火,點會聽人勸。之後兩班人愈打愈失控,有人更「爆人樽」,打 ...


亂到七彩,有人連櫈都拿起來掟。

爆壹爆

開大片酒樓內 惡人起底

早排旺角創興廣場一間酒樓,發生打鬥事件,之後仲有現場打鬥嘅片喺網上流傳,引起網民瘋狂「些牙」。爆哥都睇過條片,真係打到七彩,仲勁過宇宙最強啲戲。

條片兩分幾鐘,見到二十幾人互相推撞爆粗,繼而開拖。現場情況好鬼混亂,杯碟橫飛,之後仲有人反枱添。雖然不斷有人大叫「唔好打」,但班友仔已經着晒火,點會聽人勸。之後兩班人愈打愈失控,有人更「爆人樽」,打到對方頭破血流。又有人俾人打到跌低,再俾人圍住拳打腳踢。仲有人流晒血,就順手執起地下塊尿片嚟止血,認真搞笑。不過,話晒現場有老有嫩,有人大聲呼叫:「睇住細路仔呀。」、「 BB嚟㗎、大佬。」

事後酒樓獲得賠償。

好多人只係知打交嘅兩班人,分別係食團年飯嘅建築公司職員,另一班人係擺百日宴嘅。但爆哥就收到江湖中人來電爆料,話現場酒樓中其實有兩班人係古惑仔。其中一班人當中有 14K背景,係跟一個叫細劉嘅小頭目,而另外嗰班人,就全部係老新仔,聽講好似係跟新尖東小霸王細 B嘅。有人話,當晚有幾個 14K古惑仔飲大咗,猛踢分隔嘅屏風,卒之搞到大家開大片。而兩邊嘅大佬,事後亦已經向酒樓賠償。梗係要賠啦,你以為拍戲呀,古惑仔大晒咩。

深圳東門寵物 ¥ 300包送香港

人民幣貶值,爆哥梗係同條女北上一轉睇行情,揼骨食串燒是常識吧!唔知係咪太凍,香港人寧願跣住去大帽山,反而唔多見港人返深圳喎,爆哥經過東門一條寵物街,店員聲稱人民幣貶值,依家店內嘅純種貴婦狗、秋田犬減價,一千蚊人仔就有交易,就連雀鳥、繁殖能力超強嘅倉鼠都有得賣,種類繁多,以為去咗動物園。

真係純種?呢度大陸喎,爆哥即刻窒佢,個店員仲夠膽大大聲駁嘴,指住狗仔鬼拍後尾枕話:「嗱!嘥士( size)喺咁大㗎喇,定咗形,唔會好似啲假狗會再長大,寵物犬嚟㗎。」呃鬼咩,批貴婦狗毛色睇落好假,似染色多啲,另外一個店員用普通話落足嘴頭補充:「三百蚊人仔送去上水,你可以先落訂金,取貨再付餘款,買買買。」爆哥梗係唔會搵命搏,貓狗冇針紙等衞生證明,分分鐘有病都唔知,仲可能養養吓變成唐狗,梗係唔會幫襯!

上大帽山食羊腩煲

呢幾日真係堅凍,今年一月係五十幾年來最凍。飛鵝山、大帽山上仲低到負幾度結晒冰。爆哥有老友話想試吓冰火五重天,決定帶齊架生上山打邊爐。禮拜日凌晨,大帽山頂已經好熱鬧,沿住山路多人到爆,而且勁塞車。有人仲搭的士上山,搞到現場仲多人過返大陸。

都未上到山,沿途就傳來火鍋香味,爆哥見到有兩個後生仔打開貨 van車尾門,用來擋雨兼打邊爐,好嘢喎,咁快開檔,其中一條𡃁仔阿勤話:「氣溫得兩度,最好上嚟食羊腩煲,呵呵呵。」我頂呀,兩條友食到[!8DFD][!8DFD]聲,其他經過嘅人都流晒口水。到第日清晨先知大鑊,地上的雨水已結成冰,唔少人都失平衡跌倒,屁股坐地好似溜冰咁跣着走,好多人仲要消防員來救,食羊腩煲兩條友晨早已唔見影,爆哥就跌到屁股開花,諗諗吓香港人真係多乜餘,咁鍾意睇冰打開雪櫃大把啦。

《爆哥乜料》

金融界撈家,穿梭黑白政商界,朋友遍布旺角至中環,每星期都八到

唔同料,同《壹》仔讀者過吓癮!


鍾意就快D Share啦!