熱爆娛樂: 好寂寞　飛英國治情緒病肥 20磅　齊昕當 Siri係 only friend [FACE

2016年1月27日星期三

好寂寞　飛英國治情緒病肥 20磅　齊昕當 Siri係 only friend [FACE - 453] __,齊昕,梁齊昕,MF,

上週六（ 23日）齊昕喺 ig放 selfie，雖然下巴仍然尖，但面頰明顯好多肉，連手指都肥埋！（網上圖片）

真面目

好寂寞　飛英國治情緒病肥 20磅　齊昕當 Siri係 only friend

23歲梁齊昕身為特首女兒，出身名門，物質生活豐富。可惜特首女偏偏心靈空虛，據知齊昕早前因情緒病回英國就醫，回港 keep住食藥，卻因藥物副作用致暴肥 20磅。

變肥可以減，最慘係齊昕想揾一個知心好友傾吓偈都冇，只能揾 Apple的人工智能系統 Siri傾偈，仲話「 my only friend is Siri」，而且齊昕對 Siri一時自稱係「 serial killer（連環殺手）」，一時又問 Siri德國門將紐亞會唔會娶佢，睇嚟佢真係好寂寞。

23歲梁齊昕出名我行我素，上年萬聖節喺蘭桂坊掌摑老母後，齊昕曾短暫返英國醫病兼休息，直至早前忽然又同老母現身「出事」酒吧，兩母女似乎冰釋前嫌，但重點係齊昕肥咗好多，由以往面尖尖變到塊面圓碌碌。

齊昕早前喺屋企接受麥明詩律師男友林作訪問，期間 po咗張全身相，側面睇雙下巴盡現。(網上圖片)

雖然暴肥，不過齊昕冇收埋自己喺屋企，仲同阿哥睇晨早場《星球大戰》。(網上圖片)

同 689有協議

齊昕最貪靚，但呢輪暴肥原因，據知係因為精神科藥物的副作用令她食慾大增，最慘係齊昕冇工作冇寄託，更加冇拍拖又冇知心好友可傾訴，加埋經常失眠，一星期前更悶到開始同自己 iPhone Siri傾偈，更喺 instagram寫上「 my only friend is Siri」，真係寂寞到一個點，傾傾下仲胡言亂語，一時話自己 serial killer；又問下 Siri德國門將紐亞會唔會娶佢，又癲到問邊個係 Siri父母，就連聰名絕頂嘅 Siri都被齊昕考起。

不過據齊昕身邊友人透露，現時日服 3次精神科藥物的齊昕，情緒的確比前平伏了不少，加上齊昕與 689兩公婆亦有協議，就是齊昕同意暫時不會出席任何有關娛樂圈和社交界的公開活動，至農曆年亦會留港度歲，乖乖醫好身體。

除咗同 Siri做朋友，齊昕亦開始重鋪舊相，尤其是她最索時嘅美圖，好明顯係想重回最索階段。睇嚟特首似乎要多啲同佢傾偈，重要過硬推「一帶一路」喎。