| 高Ling同鄧智偉為愛苗同前途，堅守約法三章，絕對唔會人前晒恩愛。 | next 1/1 pre |
 | |
| 高Ling做完嘢即刻着番件外套，請認住件外套！ | next 1/1 pre |
 | |
| 換埋衫褲就同助手行街，都係呢件外套。 | next 1/1 pre |
 | |
| 跟住食乳酪。 | next 1/1 pre |
 | |
| 放低女助手就單拖返愛巢，喺條街度唔戴口罩，臨返到屋企先戴返回罩同黑超。 | next 1/1 pre |
 | |
| 搵頭髮遮面先返愛巢，外套、褲同鞋都一樣，好難認妳唔出囉，高Ling！ | next 1/1 pre |
 | |
| 高Ling喺愛巢係泊住客專用車位。 | next 1/1 pre |
 | |
| 隔幾日高Ling做完嘢見有咁多人跟住。 | next 1/1 pre |
 | |
| 即刻同男助手一齊搭的士返「安全屋」。 | next 1/1 pre |
 | |
| 獨自上樓。 | next 1/1 pre |
 | |
| 另一邊廂，鄧智偉收到高Ling被人跟唔安全嘅消息，即刻走人唔敢返愛巢。 | next 1/1 pre |
 | |
| 18日高Ling喺愛巢出車去做嘢。 | next 1/1 pre |
 | |
| 同一班同事做完嘢見到有人跟。 | next 1/1 pre |
 | |
| 再次返「安全屋」避一避。 | next 1/1 pre |
 | |
| 臨上樓前仲有同記者揮手。 | next 1/1 pre |
 | |
| 高Ling生日，鄧智偉秘密返港。 | next 1/1 pre |
 | |
| 去到愛巢攞住一袋二袋上樓。 | next 1/1 pre |
 | |
| 笠口罩加帽同外套帽先上樓，真係夠晒安全。 | next 1/1 pre |
 | |
| 離港工作嘅鄧智偉，19日攞埋嘢食返歸畀高Ling。 | next 1/1 pre |
 | |
| 鄧智偉當日在微博上載11支玫瑰花的相片，代表「一心一意」，高Ling一定冧爆！ | next 1/1 pre |
 | |
| 2012年底，高Ling遭中傷被富豪包養，其實當時她已與鄧智偉相戀，卻又不能宣之於口，因而大感委屈於記者會爆喊。 | next 1/1 pre |
34D無綫咪神高海寧（高Ling）入行多年，感情看似一片空白，原來她一直密冚戀事，早與音樂才子鄧智偉秘撻3年，鬼祟同居！二人在馬鞍山天宇海秘築愛巢，為免東窗事發，誇張到約法三章！首先，絕不同步返歸，第二是易容Face-Off才上樓，第三是人前人後扮唔識！
高Ling每次被記者跟蹤，都會扮返旺角寓所，「娘家」當作「安全屋」，全天候保護「高鄧戀」！去年底兩口子人在美國，即使保密工夫做足，卻仍百密一疏「洩蜜」。惟女友生日大過天，在高Ling牛一正日（本月13日），戴晒「頭盔」笠兩頂帽的鄧智偉，買定禮物返愛巢「蜜蜜」慶祝，高Ling亦早已在愛巢守候，等拆愛郎禮物！
29歲咪神高海寧入行近8年，港姐出身的她擁34D人間「胸」器，天生一副女神Package，偏偏情史不多，2012年跟旅行社太子爺分手後，未幾在朋友介紹下，認識當時為無綫子公司「正視音樂」音樂總監、林峯御用監製、40歲鄧智偉，二人火速撻着，為免影響高Ling星途，加上鄧智偉是無綫高層，惟有密冚戀情。為方便拍拖，兩人一年前已發展至同居關係，礙於高Ling常被追訪，故二人約法三章，實行鬼祟同居，愛得低調！
緊守「有你冇我」
兩人早已在離市區偏遠的馬鞍山天宇海共築愛巢，每次返歸定必有你冇我玩前後腳，做到不被人知亦不被人見！為防穿煲，高Ling平日出街總是扮冇嘢，去年10月8日出席活動後便去食飯Shopping，同行的只是女助手，她全程指手畫腳Window Shopping，又邊行邊食乳酪，生活看似勁Dry，其後車女助手回電視城，再揸車離開。可是，高Ling並沒有返回旺角寓所，到沙田入油後便直駛馬鞍山天宇海，將近愛巢時，她即進入戒備Mode，停車在車內笠口罩，又架上眼鏡玩易容Face-Off，立即變Look，得咗！泊好車後再整裝一輪才下車，等𨋢時更以長髮遮面，非常謹慎！
被跟保持通話
為策安全，高Ling嫌易容還未夠，明知被記者追蹤，寧願斬腳趾避沙蟲都唔返愛巢！本月8日，高Ling出席活動後見有傳媒追訪，即行Plan B，搭的士送男工作人員離開後，便返回旺角寓所避風頭，女友通風報訊，當時身在灣仔的鄧智偉表現緊張，狂撳電話，就算「蛇咬」都誓不返回天宇海，以防愛巢曝光，兩人一直保持通話，玩遙遠控制。
密冚「高鄧戀」另一特色是絕不「同步」回家，就算要返，都一定前後腳！上周三（本月13日）是高Ling的29歲生日，戀情如何低調，鄧智偉都要陪女友慶生，惟他於本月11日透露會飛往韓國首爾，翌日深夜又在微博上載歎韓燒的照片，圖掩人耳目！但其實他在13日已人肉速遞回港，先返回位於九龍灣、與莊冬昕合資的公司交代公事，一身黑衣打扮的他本已戴帽，再笠「頭盔」戴上衞衣的帽子，貫徹與高Ling約法三章的其中一條：易容！然後由司機車回天宇海愛巢，只見他從車尾箱取出一袋二袋物品，明顯是為女友的生日做足準備，再頭耷耷走入電梯大堂，低調上樓跟高Ling甜蜜慶生，讓女友開心拆禮物……
返「娘家」泊時租車位
弔詭的是，高Ling當日只在社交網甫與好友陳智燊及宋熙年「伉儷」的慶生照，鄧智偉當日並沒有發過任何Post，翌日（14日）卻身在北京，以混淆視聽。至本周一，高Ling從天宇海揸車往深水埗宣傳新劇《愛情食物鏈》，活動後她心情大靚，與Fans合照亦有求必應，但眼見被記者跟實，無奈又要返回旺角「安全屋」！超級好戲的她為免記者起疑心，抵達「安全屋」大堂即向記者揮手，未幾再取車離開返回電視城，原來她於旺角寓所泊的只是時租車位，並非日常車位用戶，印證「安全屋」已非其日常居所。翌日下午約6時半，從北京回港的鄧智偉包到冚，抽住一袋二袋獨自返歸，高Ling例牌早十分鐘先回愛巢等候愛郎。而鄧智偉當日在微博上載11支玫瑰花的相片，代表「一心一意」，高Ling一定冧爆！
社交網互不關注
兩人相戀，充滿愛情密碼！去年底高Ling赴美國修讀短期演藝課程，遊遍洛杉磯及拉斯維加斯，當時鄧智偉其實已身在美國多日搞音樂，兩口子身在彼邦，因利乘便趁機拍拖，惟二人在社交網甫相異常小心，每一站都充滿暗號。除易容及前後腳返愛巢外，約法三章的最後一條便是人前人後扮唔識，即使與共同朋友聚會，兩人碰到面都會扮成陌路人，戀事愈少人知愈好，據知情人士透露：「佢哋拍拖只有好熟嘅親友先知，人前人後一定扮唔識，試過成班人出嚟食飯，一個東，一個西，偈都冇傾過，點會估到佢哋拍拖！」
錫到燶：任女友碌卡
其實高Ling於2012年底與富豪傳緋聞時，已跟當時仍效力無綫的鄧智偉相戀，難怪當日她開記者會哭訴否認，一副受盡委屈的樣子，原因是不能公開戀情之餘，更無端捲入富豪緋聞，所以喊爆！此外，外表冷酷的鄧智偉雖予人寸寸貢之感，實則外冷內熱，對高Ling好到暈，據知情人士說：「佢錫高Ling錫到燶，細心之餘又唔花弗，最緊要係尊重高Ling，對女友非常照顧，聽講仲出咗張卡畀女友任碌，加上又有才華，難怪高Ling咁鍾意佢！」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：
http://on.cc/redirect/entertainment
|
鍾意就快D Share啦！
|
|
|