曾經被高登仔喻為「至索主播」嘅無綫前新聞小花蔡雪瑩，喺情人節當日獲上市公司太子爺男友朱威霖（William）送上3卡鑽戒求婚，趕做猴年新娘。不過，本報收到讀者報料，話雪瑩唔單止做猴年新娘，而且佢重會生猴B雙喜臨門添，讀者話蔡雪瑩因為有咗BB先至結婚，而且一早訂咗今年4月26號擺酒。《蘋果》記者今日打比雪瑩BB，問佢係咪有咗，佢似乎有啲驚訝咁反問：「係咩？」記者再追問佢係咪有咗，佢冇承認但亦冇否認，只係話:「冇回應冇回應。」跟住仲笑咗出嚟添。記者指佢今次係雙喜臨門，雪瑩BB都係嗰句:「冇回應冇回應！」至於係咪今年4月26號擺酒，雪瑩BB就話要問吓男友先，事關佢唔可以自己一個人決定點答，睇嚟真係好鍚住另一半！不過，冇幾耐之後雪瑩再透過WhatsApp回覆記者，對於係咪有BB同4月擺酒結婚，佢話:「我哋希望保持低調，冇回應啦，多謝您哋關心。」
來源 source: http://hk.apple.nextmedia.com
|
鍾意就快D Share啦！
|
|
|