Judy同阿山話呢個「是彈單位」構思連製作花咗兩個月時間，成本 3千幾蚊，全部由幾個女仔一手一腳完成，難度超高。
爆 Like王
「巧•岸居」定「好戇居」？ 設計師寸爆惡搞樓盤 689
全新樓盤叫「巧•岸居」，真定假？睇埋製作認真的宣傳片、宣傳單張，相信有人會信以為真！近日網上流傳的「巧•岸居」廣告，其實是 Paper Scissors Stone的 3位廿幾歲女設計師的惡搞作品，是為火炭一個展覽而創作的 pop up紙皮屋。
阿山同 Judy接受訪問當日示範打開巨型紙皮單位，一打開是客廳，有梳化、電視等，再打開另一頁是飯廳，有枱有椅。她們製作紙皮單位目的是諷刺 689成日掛在口邊的土地問題，同時提醒港人，為了住屋而犧牲一生的時間真係「好戇居」！
F：你哋有冇做過樓盤廣告？
P：我哋同埋 Eva（另一位設計師）都係 DI讀設計畢業，當時已想一齊搞間公司，畢業後各自做設計工作，但都冇做過電視或樓盤廣告，可能讀過廣告，模仿能力高啦。我哋上年至合作開呢間公司，想做啲可以 connect到人、有共鳴嘅嘢，但呢啲嘢唔係咁商業，未必賺到錢，今次都只係一個為期 4日嘅展覽，展期都已經完咗。
F：創作「巧•岸居」嘅 idea何來？
P：係回應政府成日講嘅土地問題，想以一個有趣嘅方法去解決。之前見到啲 pop up書，就諗如果做到 1:1大小，咪可以住囉，又可以收埋，畀啲 homeless住都幾好喎！事前做咗好多 research，喺 YouTube搵過啲教學，但過程不斷失敗，最嚴重係飯枱，本來有 8張椅，但承托嘅紙皮唔夠力，一打開就爛咗，做咗好多修補改成 4張。
F：有冇親身經歷因土地問題上唔到樓？
P：我（阿山）住公屋， 5姊妹瞓埋一間房，如果要搬，要有份好高人工都仲只係可以租公屋，唔知幾多歲至可以排到，仲係獨居冇人照顧嗰啲呀！我覺得唔應該太着重有冇擁有一個竇。香港人生活咁忙碌，啲錢搵得咁困難，又點會用一生嘅時間去供層樓？所以「巧•岸居」至會有咁大迴響，政府將啲地皮或者地方，畀豪宅發展先，佢呢個做法係咪好戇居呢？
F：你地認為住屋係俾內地人搶晒？定係因為起晒豪宅？
P： Why not both？我哋小市民，講真可以知道幾多嘢呢？認識到社會有幾多？大部份都係從媒體或其他渠道聽番嚟，但我會覺得政府係有責任，係責無旁貸，呢個係佢需要去應付，但佢做得唔係咁好囉！
F：《 FACE》
P：阿山、 Judy
攝影：楊學
|
鍾意就快D Share啦！
|
|
|