網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年2月17日 星期三

唔忿氣 《公公出宮》群組互呻 黎耀祥蝕做炮灰 [FACE - 456] __,黎耀祥,MF,

祥仔一向少說話多做事,但今次一套劇變咗倉底,一套預攞獎嘅劇就喺炮灰檔播映,真係有苦自己知。真面目唔忿氣 《公公出宮》群組互呻 黎耀祥蝕做炮灰馬國明都曾經講過,「𠵱家廿六、七點好×高!」,就知大台收視每況愈下係事實啦,農曆新年梗係傳統炮灰檔期,師奶拜年又賭錢,邊得閒睇劇呀?偏偏極高層就唔係咁諗,諗住打破常規嚟自high,於是將原先拍好用嚟做賀歲劇嘅《財神駕到》抽起,揾嚟《警犬巴打》同《公公出宮》,諗 ...


祥仔一向少說話多做事,但今次一套劇變咗倉底,一套預攞獎嘅劇就喺炮灰檔播映,真係有苦自己知。

真面目

唔忿氣 《公公出宮》群組互呻 黎耀祥蝕做炮灰

馬國明都曾經講過,「𠵱家廿六、七點好×高!」,就知大台收視每況愈下係事實啦,農曆新年梗係傳統炮灰檔期,師奶拜年又賭錢,邊得閒睇劇呀?

偏偏極高層就唔係咁諗,諗住打破常規嚟自 high,於是將原先拍好用嚟做賀歲劇嘅《財神駕到》抽起,揾嚟《警犬巴打》同《公公出宮》,諗住用黃宗澤、鍾嘉欣、黎耀祥、蕭正楠等造起個市,據知高層此舉令祥仔好唔開心,一來拍咗嘅《財》劇永不超生,而《公公出宮》諗住用嚟爭視帝,結果就去咗炮灰檔期,搞到祥仔要喺 WhatsApp群組吐苦水!而事實《公公》首集得 19點,《警犬》首集得 21點,又要請小鳳姐喇!

農曆新年大台收視慣性低,師奶新年咁忙邊有時間開電視,大台亦年年準備定賀年劇,充斥下場面,上年就揾咗師奶最愛嘅黎耀祥孭飛拍咗套 15集嘅《財神駕到》,本來諗住攝下期,收視都冇咩期望。點知有極高層無啦啦想破格,覺得賀歲檔期唔一定低嘅,於是失驚無神抽起套《財神駕到》,仲想造起個市,揾嚟《警犬巴打》和《公公出宮》兩套皇牌劇集谷收視。

黃宗澤和鍾嘉欣 12年合作《護花危情》平均收視 31點,最高 37點,今次新劇《警犬巴打》被安排農曆年檔期,真係唔知救唔救到收視。(網上圖片)

黎耀祥對上一次攞視帝係 12年,憑《大太監》攞,今次原班人馬拍《公公出宮》,梗係想添食啦,點知落入炮灰檔。《蘋果日報》圖片

極高層之一無綫執行董事及集團總經理李寶安,希望打破農曆年收視低嘅慣例,改播《警犬巴打》和《公公出宮》,惟有讚佢破格啦。《蘋果日報》圖片

據知黃宗澤對《警犬巴打》被放喺賀歲檔期播都唔開心,但近年密密拍大陸劇賺錢,已經對大台劇不感興趣。

祥仔好唔開心

據知呢個調動,令一直任勞任怨嘅黎耀祥好唔開心,因為用兩個月時間拍嘅《財神駕到》冇得出街,連埋之前套《巾幗梟雄之諜血長天》,搞到堂堂視帝有兩套倉底劇;而《公公出宮》班底又勁,祥仔諗住年尾再衝擊視帝,套劇放咗呢個檔期肯定冇機會攞獎。

祥仔有寃冇路訴,惟有喺 WhatsApp群組同一眾《公》劇小生,蕭正楠、陳國邦、曹永廉呻爆,話好唔明公司點解有呢個做法,不過冇人夠膽炮轟公司;而另一邊廂,同樣被安排炮灰檔期嘅就有黃宗澤、鍾嘉欣孭飛嘅《警犬巴打》。而極高層就安慰佢哋話套劇好睇,放喺邊個時段都一樣得!係呀!你套劇好睇咪得囉!《大時代》放深夜 12點都一樣高收,可惜你唔係囉!

大劇攝期

《公公出宮》有胡定欣同黎耀祥孭飛,呢個陣容就算冇獎都最少有提名啦,點知就攞嚟做賀歲劇。(網上圖片)

抽起唔播

黎耀祥原本有套賀歲劇《財神駕到》,𠵱家就抽起咗,都唔知幾時播,唔通留番聖[!99D8]檔期播?咁型?(網上圖片)

愈嚟愈唔掂

雖然一台獨大,不過過年嗰幾日收視真係幾差㗎,好似上年套《倩女喜相逢》,最低試過 22點,打正旗號賀歲多數仆直,但 11年《隔離七日情》雖然都係賀歲檔,但平均 28點,最高 36點,賀歲檔最高呀!

'15《倩女喜相逢》

新年必備家燕姐,笑位不俗㗎,可惜格局似爛劇,收視平均得 23點。

'14《新抱喜相逢》

都係家燕姐,惡搞大台劇集,玩自嘲,大台嚟講好破格,但平均收視 25點。

'13《初五啟市錄》

由陳錦鴻、郭羡妮孭飛,兩個都係懷舊人物,但收視唔差喎,平均有 25點,最高 30點。

'11《隔離 7日情》

大台罕有 cult劇,故事講豬流感喺酒店發生,主角困喺酒店 7日嘅故事,題材貼地,平均 28點,最高 36點呀!

採訪、撰文:娛樂組


鍾意就快D Share啦!