網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年2月17日 星期三

每個人都有首情歌 「女歌星」方健儀最冧〈愛很簡單〉 [FACE - 456] __,方健儀,MF,

全知言每個人都有首情歌 「女歌星」方健儀最冧〈愛很簡單〉情人節雖然啱啱過咗,但係浪漫嗰陣味仲未散,你同另一半係咪仲聽緊嗰幾隻冧歌?你估吓一班藝人又覺得邊首情歌最冧呢?唔講唔知,原來新一代「最受歡迎女歌星」方健儀同老公都有首主題曲㗎!方健儀:陶喆〈愛很簡單〉網上圖片最冧情歌係陶喆嘅〈愛很簡單〉,因為我哋結婚就係播呢首歌,到我生日,都會逼我先生點唱呢隻歌俾我聽,所以都算係我哋嘅主題曲,所以一定係冧歌中 ...


全知言

每個人都有首情歌 「女歌星」方健儀最冧〈愛很簡單〉

情人節雖然啱啱過咗,但係浪漫嗰陣味仲未散,你同另一半係咪仲聽緊嗰幾隻冧歌?你估吓一班藝人又覺得邊首情歌最冧呢?唔講唔知,原來新一代「最受歡迎女歌星」方健儀同老公都有首主題曲㗎!

方健儀:陶喆〈愛很簡單〉

網上圖片

最冧情歌係陶喆嘅〈愛很簡單〉,因為我哋結婚就係播呢首歌,到我生日,都會逼我先生點唱呢隻歌俾我聽,所以都算係我哋嘅主題曲,所以一定係冧歌中嘅冧歌。

周家怡:黎明〈傻癡癡〉

黎明嗰隻〈傻癡癡〉,媽咪介紹我聽,最開心係將歌詞啲你同我掉轉嚟唱,就好冧喇!即係「若我發覺你時常傻癡癡,望着我半醉半癡不懂說話等我示意」咁囉!

網上圖片

王宗堯: Hebe〈小幸運〉

我呢一刻嘅心情可以用〈小幸運〉嚟形容,因為佢係好 sweet,係舊年好賣座嘅電影我又差唔多喺呢段時間拍拖歌詞係講遇到一個人覺得好幸運,嗰句:「遇見你的註定,她會有多幸運。」女仔聽到一定冧。

網上圖片

Jeana: Celine Dion〈 My Heart Will Go On〉

《鐵達尼號》嘅〈 My Heart Will Go On〉,因為喺我人生入面,呢套電影係最鍾意,每個月起碼會睇一次,每次成個人都入咗部電視入面,所以今個情人節,惟有自己喺屋企繼續睇套戲

網上圖片

唐貝思:林子祥〈分分鐘需要你〉

梗係林子祥嘅〈分分鐘需要你〉,因為啲歌詞好冧囉!間唔中都會聽,記得細個嗰陣,爹哋駕車都會播住呢首歌,所以大個咗一諗番起啲歌詞都好浪漫好 sweet。

網上圖片

街坊揀新歌 〈矛盾一生〉人氣強

藝人嘅選擇偏向懷舊啲,街坊又點呢?果然新番好多喎!

Elton:

最冧係 JW嗰首〈矛盾一生〉,因為講另一半如果冇工作,另一半又好掙扎同唔同佢一齊,話畀大家聽感情係要雙方面付出囉!我都經歷緊,雙方付出會變番好好多囉!

網上圖片

林小姐:

〈羅生門〉好好聽,啲歌詞寫得好好,雖然唔算謝安琪同 Juno嘅 fans,但隻歌好聽就夠

網上圖片

林小姐:

Maroon 5嘅〈 Sugar〉𠵱家好 hit,好冧㗎呢首歌!好啱結婚時聽,係節奏好快嘅歌,講我要你嘅愛咁!上網知道好 hit所以成日聽。

網上圖片

即時報料 facepop

熱線: 9222 0828

電郵:facenews@nextmedia.com

facebook: Face Magazine inbox

line、 we chat id: facemagazine


鍾意就快D Share啦!