熱爆娛樂: 唔妥薛凱琪　許志安借醉開拖 [壹週刊

2016年3月3日星期四

唔妥薛凱琪　許志安借醉開拖 [壹週刊 - 1356] __,許志安,薛凱琪,安仔,M1,

探熱針

唔妥薛凱琪　許志安借醉開拖

太陽娛樂舉行春茗，旗下藝人許志安（安仔）、薛凱琪（ Fiona）、文詠珊（ Janice Man）、方力申、鄧麗欣等全部到齊，不過開席前影大合照，一哥許安全程黑面零笑容，之後在席間飲多兩杯，更突然借醉向在公司要風得風的 Fiona發爛開拖，推撞她身邊人，發洩不滿。

飲多咗

太陽娛樂在港、澳兩地先後舉行了三次春茗，香港首晚的春茗上，大會原本打算以埃及造型為主題，並設有最佳造型獎及現金獎賞，不過最終決定臨時取消。

「公司講好嗰晚扮得最好嗰個會有現金獎，但去到先話取消，因為有啲藝人唔知，知嗰啲又好 hea，求其戴啲金飾就當扮咗，得 Fiona一個 full dress，所以臨時取消個獎，一心諗住有機會攞到現金獎嘅 Fiona都幾失望。」知情者說。

開席前，太陽娛樂旗下藝人同一眾老闆影大合照，許安與 Fiona被安排企正中間，不過一哥卻全程黑面。「大家都唔知咩事，佢嚟到嘅時候都冇乜嘢，仲同其他人有講有笑，但 Fiona遲嚟，要等埋佢一齊影合照，見佢扮到咁搶蒲頭，安仔就冇晒笑容，塊面仲愈來愈黑，大家見到都唔敢出聲。」

入席後，許安與在場人士不停舉杯，到春茗尾聲準備離開時，飲大兩杯忽然發爛。

「安仔成晚唔停咁飲，都飲到醉晒，走嘅時候見到 Fiona同平時拍開班工作人員，安仔突然走埋去人堆中推推撞撞，又指住 Fiona問佢想點呀！ Fiona都唔知發生咩事， O晒嘴，其他人即刻拉走安仔，在場嘅人就扮冇事發生。」有知情者說。

入場後

當入場後，大會安排眾人與老闆影大合照，被迫同 Fiona黐埋的安仔突然黑面王上身，完全冇笑容。

入場前

春茗開始前，眾人企定定俾傳媒影大合照，安仔與 Fiona夾着新人盛朗熙，完全無黑面。

香港搞完春茗，太陽娛樂再於澳門搞晚宴，向 Fiona發過炮的安仔，呢晚全程與她保持距離，為免尷尬。

去年五月，安仔在紅館舉行個唱， Fiona都有為他當嘉賓，當時安仔發展還順利，所以對 Fiona不存敵意。

14年， Fiona入行十周年，太陽娛樂為她在紅館舉行兩場紀念個唱，雖然出現滯銷情況，但在製作上仍落重本。

去年， Fiona找來台灣名導演陳映之在當地拍攝新歌《那一個我》，雖然公司 cut budget，但她仍可用大 budget拍 MV。

大細超

據了解， 14年許安因黃栢高的關係，由東亞娛樂轉投太陽娛樂，當時經濟環境好，公司資金充裕捨得使錢，許安可以開演唱會好快造起個勢，但之後就無以為繼，變得有聲冇氣；反而同門的 Fiona新歌一首接一首，拍 MV亦可以照亂 fing錢，許安覺得公司厚此薄彼，開始唔妥 Fiona。

「市道唔好，加上澳門賭業急跌，安仔入咗太陽娛樂未夠一年，公司就話要 cut budget，呢一點大家都會體諒，不過安仔見 Fiona每次出歌拍 MV都可以勁使錢，完全冇 budget限制，認為大細超，但佢都忍住冇出聲，但見公司一直冇再幫其他嘢，連參加內地歌唱比賽都係林憶蓮搵，佢先有機會，宣傳又要靠自己，所以更加愈來愈睇 Fiona唔順眼。」

13年， Fiona推出大碟《 Tenacions》，其中歌曲《周末畫報》的 MV除了飛台灣拍攝外，更找來著名 MV導演比爾賈合作，加上香港排舞師 High King及十多位舞蹈員齊飛當地，製作費超過一百萬港元，認真巴閉。

安仔等了一年，終於等到有戲開，與 Janice Man、林家棟等人合作《兇手還未睡》，將於三月底上映。

去年底，安仔在林憶蓮推薦下參加內地歌唱比賽《中國之星》。

因為公司 cut budget，所以安仔拍的 MV冇乜大場面，最多是安排外籍女模作性感演出。

Paco與安仔合作多時，當 Paco在太陽娛樂坐穩後，便招攬安仔歸隊，希望助他的事業更上一層樓。

錢作怪

對 Fiona有成見！太陽娛樂卻偏偏安排對方在自己最新派台歌《表情》劇場版負責聲演。

「其實 Fiona根本唔知安仔唔妥自己，佢哋平時又冇乜幾句，加上 Fiona只活喺自己世界，所以更加 feel唔到！大家都知 Fiona喺公司想點就點，因為話佢係最賺錢嘅藝人，每次諗到新 concept都可以自由發揮，公司藝人難免會葡萄佢，只係冇人敢出聲。」知情者說。

都係錢作怪！但其實商演登台收入絕不下於 Fiona的許志安，只差在電影方面未成氣候，難怪黃栢高亦不下多次，希望在這方面再努力，幫許安在電影開多一條路，鞏固一哥地位。