網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年3月3日 星期四

唔造晚裝 自製回禮餅 鍾嘉欣全慳宴 [壹週刊 - 1356] 嘉欣,李嘉欣,M1,鍾嘉欣

嘉欣BB的婚紗約三萬多元,精打細算的她一於著足全晚,連晚裝都冇預備,呢個老婆夠慳家。探熱針唔造晚裝 自製回禮餅 鍾嘉欣全慳宴31歲的鍾嘉欣,與拍拖十個月的無綫前主席梁乃鵬姪兒、44歲的脊醫JeremyLeung,去年12月於溫哥華秘密註冊結婚並火速雙喜臨門,本週日(溫哥華時間2月27日)二人正式補辦婚宴。向來慳儉的嘉欣BB,一反花旦出嫁的大派頭,婚禮慳住搞,布置簡潔,溫馨搭夠!更有傳處女黨姊妹團自 ...


嘉欣 BB的婚紗約三萬多元,精打細算的她一於著足全晚,連晚裝都冇預備,呢個老婆夠慳家。

探熱針

唔造晚裝 自製回禮餅 鍾嘉欣全慳宴

31歲的鍾嘉欣,與拍拖十個月的無綫前主席梁乃鵬姪兒、 44歲的脊醫 Jeremy Leung,去年 12月於溫哥華秘密註冊結婚並火速雙喜臨門,本週日(溫哥華時間 2月 27日)二人正式補辦婚宴。向來慳儉的嘉欣 BB,一反花旦出嫁的大派頭,婚禮慳住搞,布置簡潔,溫馨搭夠!更有傳處女黨姊妹團自費飛加送嫁,而婚宴當晚,新娘冇預晚裝,連回禮餅亦自己做埋包裝,全慳宴!

拒俾錢搵人搞

脊醫老公 Jeremy年搵百萬加幣,住的是值千萬港幣豪宅,有條件做闊太的鍾嘉欣卻不改慳家本色。

過往花旦出嫁,十居其九豪使,但嘉欣 BB例外!據悉, Jeremy原本想為老婆打造一個浪漫婚宴,搵 wedding planner大搞,至於婚宴場地,則鎖定了位於溫哥華西區的 Arbutus Club,這個私人會所單是入會費,已需加幣五萬五千元另加稅(約三十一萬港元),但鍾嘉欣為慳住老公荷包,拒絕用 wedding planner,寧願辛苦啲,自己嚟。

唔請 wedding planer,冇 PR,一手籌備婚禮的鍾嘉欣,以慳為原則下布置,雖鮮花擺設不多,但仍不失清雅。

當日場外招待傳媒的忌廉蛋糕。

一件婚衫頂全晚

鍾嘉欣知慳識儉,婚宴講求實而不華。場內以白色及粉紅色為主調,布置簡單,拍照主景得一個。新娘出門穿的裙褂,亦非動輒十幾二十萬的金銀線褂王,而是只需四萬蚊有交易的龍鳳潮褂,襯尖沙咀百利商場三百多元蝴蝶繡花鞋。

行頭方面,嘉欣 BB更加抗拒炫富,龍鳳鈪一對就夠!一卡求婚鑽戒,一對新人的婚戒款式亦相當普通;新娘全晚著住三萬多元的婚紗冇換過晚裝。由頭到尾都冇刻意用金錢堆砌,嘉欣 BB先做得到!

棄著近年女星出嫁追求的「褂王」,鍾嘉欣出門所著的紅褂,是今年一月她在中環婚紗店「囍鵲」度身訂造,連埋設計都係四萬八。

雖然嘉欣 BB出嫁行頭唔算勁,一對龍鳳鈪,配襯幼金鈪及金耳環。戴住一卡求婚鑽戒,結婚戒款式亦踏實。在她心目中,幸福唔需要用金錢堆砌。

乜都慳,鍾嘉欣的婚鞋是尖沙咀百利商場訂造,蝴蝶繡花鞋只是$368,襯婚紗的水晶高跟鞋亦只係幾百蚊貨色。

婚宴當日,新郎 Jeremy比起年前 fb舊相樣貌,明顯瘦咗好多。莫非為咗婚禮搏命減肥。

結婚狂減

閃石回禮盒自己黐

搞婚禮樣樣都係錢!據悉,送給賓客的回禮,正是婚宴前夕被傳媒影到鍾嘉欣家姐 Annie,去男家時手上捧住的幾盒「馬卡龍」。鍾嘉欣為慳人工錢,親手為回禮做包裝,連放「馬卡龍」小禮盒上的閃石,都是由慳家梁太親手逐粒黐。至於婚宴菜單頭盤是帶子沙律,主菜有牛扒或魚,配以甜品,十分平民化。

新娘在婚宴當日接受訪問說:「籌備一個婚禮真係好攰,要顧好多嘢,由講稿、食物、 rundown、揀邊一種酒、布置同坐位都要好 detail,原來少一盞同多一盞燈又唔同價錢。」

據悉無綫曾打算抽水,提出獨家包拍,並提供 TVB自家梳、化,但遭鍾嘉欣拒絕。

「 TVB話要將婚宴包起嚟拍,但為咗控制場面,唔可以俾人影相,但男家堅持一定要自己人拍,所以最後大台只係喺婚宴開始拍場內環境同做訪問。當日婚禮布置同大會攝影,都係 Jeremy啲朋友搞。」知情者說。

親手黐石

婚宴前夕,其姊被發現捧住一大盒「馬卡龍」,原來是鍾嘉欣的回禮禮物,慳家的她親自包裝入盒。連盒上的閃石也是她親手逐粒黐上去,仲黐到有啲歪斜。

鍾嘉欣老公 Jeremy住在西區兩層高豪宅,現市值約 1,600多萬港元,也是他倆婚後的愛巢。

當日新郎哥向傳媒派 10蚊加幣(約 60港元)利是,至於新郎父母則派 50蚊加幣(約 300港元)。

婚後翌日,梁太鍾嘉欣約齊班姊妹 high tea。有傳四位處女黨姊妹,係自費飛溫哥華送嫁,講心唔講金。

港男李晉強也是賓客之一,跟一對新人玩自拍。

慳埋有四間屋

就算登上花旦位,但嘉欣 BB平日外出打扮,仍像平民般樸素。

入行十年做到當家花旦,鍾嘉欣一直是慳妹,慳埋慳埋, 06年如願做業主,以近 200萬買入將軍澳新都城單位,之後 11年再於同一屋苑買下另一大單位, 550萬一炮過俾,冇按揭慳番俾息。此外,嘉欣 BB在溫哥華有兩間屋,四個物業加埋共約值 3,600萬。小富由儉的典型鍾嘉欣,平日出街搭地鐵巴士,自稱買名牌靚袋會內疚,多年來大部分時間著客戶贊助服裝;出埠拍劇,不會要求住好亦肯同人孖房,絕不會補差價住單人房。仲有,放假返溫哥華只搭經濟客位,搏航空公司 upgrade,總之慳得就慳。

出神入化

鍾嘉欣的婚宴,毫不奢華,盡顯當事人實際不浮誇作風。圈中亦有唔少「慳妹」,同樣慳到出神入化,各有特色。

周慧敏 經典之最

周慧敏在神劇《大時代》飾演「慳妹」一角,戲裡戲外同出一轍,行街購物,會格價到最平才出手,精打細算,鍾意揸現金的她,不投資股票,就算買磚頭都只自用而不炒,作風穩健,是圈中經典的慳妹。

楊思琦 慳到出汁

同鍾嘉欣好老友的楊思琦同樣慳到出汁!開鏡拜神燒肉唔嘥打包走、九龍城買平衫,亦唔怕人笑經常一身贊助卡通衫出現。慳埋慳埋去買樓,至今手上持有三個市值共超過 3,000萬的物業,包括長沙灣泓景臺、清水灣半島及將軍澳天晉!

岑麗香 每日 50蚊

「處女黨」成員香香一直想買樓,曾經講過每日限住自己用 50蚊,平時最鍾意搭順風車同公司車,唔使俾錢。香香開工最鍾意拍食嘢場口,可以免費醫飽肚,更會打包埋下一餐。

撰文、攝影、攝錄:娛樂組


鍾意就快D Share啦!