掃呢頁CODE去手機

2016年3月23日 星期三

【盡得羅美薇真傳】15歲大女多人追 學友唔知驚:都驚唔嚟啦 __,學友,羅美薇,張學友,

張學友同羅美薇結咗婚成廿年,兩個囡囡都生得亭亭玉立,分別係15歲嘅張瑤華同11歲嘅張瑤萱,過去學友都好保護兩個女,好少比佢地公開露面,但之前就有傳媒捕獲咗長女瑤華,見到瑤華長得亭亭玉立之餘,五官仲好標緻添,盡得阿媽羅美薇嘅真傳。就讀國際學校嘅瑤華,當時俾傳媒影到佢同班外籍同學仔去中環夜蒲食飯,同學仔就梗係有男有女啦,同枱就有兩個外籍男同學喇!咁今晚學友同林嘉欣出席二人主演嘅電影《暗色天堂》首映,講 ...




其他影片:>>






張學友同羅美薇結咗婚成廿年,兩個囡囡都生得亭亭玉立,分別係15歲嘅張瑤華同11歲嘅張瑤萱,過去學友都好保護兩個女,好少比佢地公開露面,但之前就有傳媒捕獲咗長女瑤華,見到瑤華長得亭亭玉立之餘,五官仲好標緻添,盡得阿媽羅美薇嘅真傳。就讀國際學校嘅瑤華,當時俾傳媒影到佢同班外籍同學仔去中環夜蒲食飯,同學仔就梗係有男有女啦,同枱就有兩個外籍男同學喇!咁今晚學友同林嘉欣出席二人主演嘅電影《暗色天堂》首映,講到大女張瑤華之前被傳媒野生捕獲,見佢同一班同學夜蒲去玩,學友就話:「同一班同學去玩好正常啫!」追問佢阿女有冇帶男朋友返去見你?「無!」咁你驚唔驚呀?學友就笑住話:「唔驚,呢啲都驚唔嚟」話晒係首映,當然都要講吓套戲,記者就問到嘉欣同導演老公袁劍偉合作感受?學友竟然「厚多士」咁搶答:「好正同埋好開心。」身旁嘅嘉欣就好無奈咁話佢都幫我答咗喇!記者追問嘉欣拍戲時,老公有冇鬧你?今次學友無再搶答,嘉欣就笑住咁答:「咁又唔係鬧,大家討論啫,如果連討論都冇就真係要警剔喇!同老公都好嚴謹架。」另外,提到電影其中一幕,林嘉欣要向學友潑紅酒,事前嘉欣都要加以練習,搵咗副導演狂練習,學友笑言,拍攝時,成日問嘉欣潑完未。

攝影:陳俊強 嘉欣與導演老公袁劍豪深情對望,學友突然變咗局外人。
羅蘭姐亦有參演,是夜特地出席首映宣傳。

鍾意就快D Share啦!