| 鄭中基（左圖左）希望好友復合。 | next 1/1 pre |
 | |
| 余思敏話要練好廚藝冧老公。 | next 1/1 pre |
 | |
| 鄭中基、余思敏 | next 1/1 pre |
藝人鄭中基（Ronald）與老婆余思敏（Sammie）出席電影首映，講到撇低仔女，他們笑言小朋友睇戲有很多問題問：「好騷擾人，好多問題問，會問點解會咁嘅，搞到我都唔知套戲講乜。」而講到日前Ronald生日，老婆驚喜送上親手整的蛋糕，問到是否很冧？對此Ronald笑言：「係啦，我問佢係幾時整，原來係趁我出去做嘢嗰陣整，我話冇理由，我成日喺度冇理由唔知，不過係好Surprised。」而Sammie則謂自己未試過整蛋糕：「其實佢煮嘢叻過我，平時佢喺廚房見到我攞住刀都話等佢嚟。（你平時好少下廚？）係呀，佢睇唔過眼，覺得我好論盡。」在旁Ronald即賣口乖大讚老婆手藝好：「個蛋糕又唔錯，真係好味，真係好驚訝。」
秘密整蛋糕冧老公
Sammie亦謂是趁湊女上興趣班時，自己走去學蛋糕：「之前真係完全唔識整，師傅都讚我有天份，手藝OK。（籌備咗呢個驚喜幾耐？）幾日，最難係要教識個女守秘密，好彩冇洩露。（嚟緊煮多啲畀老公食？）都會嘅，佢都開始有啲投訴，有時都想自己整嘢食畀小朋友食，健康啲，所以會盡力學。」
望好友復合
另外，講到方力申（小方）與鄧麗欣結束十年情，跟兩人份屬好友的Ronald表示感到可惜：「始終咁多年。（你一早知？）唔係，知嗰陣反應係『吓』，不過我都有Send Message畀小方，都尊重佢哋決定，當新一頁新開始。（有網友話去信白宮，令兩人復合？）講真？我都想簽個名，睇吓奧巴馬係咪真係出手。（你都想佢哋復合？）識咁耐，次次都見到佢哋一齊，如果有機會復合都好，可能要啲時間。」
來源 source: http://hk.on.cc
|
鍾意就快D Share啦！
|
|
|
