方力申(小方)同鄧麗欣(Stephy)上個禮拜，透過經理人公司太陽娛樂發聲明，對外公佈二人結束十年嘅情侶關係，不過有傳「分訊」聲明早喺一個月前已經寫好，但因為當時小方唔喺香港，Stephy要「等齊人」先公佈。呢對金童玉女的威力，勢估唔到有網民無聊到去美國白宮網站發起聯署，要求「外國勢力」介入，要二人復合。今日小方嘅爸爸一畫廊創辦人方毓仁出席保利香港藝術，於金鐘舉行嘅藝術展覽，期間佢介紹吳冠中的畫作，方爸爸指與吳生認識很久，於80年已開始獨家代理吳先生的畫作，自己太太亦是吳生的契女，吳生嘅孫女就係佢契女。講到小方可有遺傳到佢嘅藝術基因，佢說：「當然有啦，我哋全家乜都講嘅，股票輸到扒係到又講、買樓呀、買藝術品呀、NBA呀乜都傾o架！」記者追問佢有問傾Stephy？佢即刻落閘咁話：「嗰啲就唔傾喇！我個仔都30幾歲喇，仲傾呢啲咩！都唔會過問，30幾歲都唔會傾㗎喇！」講到佢好錫Stephy，方父笑言：「個個都錫，個個都好。」咁阿仔同Stephy十年感情分開咗，會唔會好肉赤，方父稱阿仔之前都講咗，問到阿仔之前講到喊，佢就話：「唔知!你問番佢啦!」方父坦言阿仔喺佢面前從來都冇喊過，佢又引述以前有個藝人叫吳浩康講咗一句，最大嘅孝順係啲咩，叫父母唔使擔心，都唔知佢係邊學番嚟，似乎好認同呢一句!中氣十足嘅方父又稱，阿仔都好孝順，唔使佢擔心，直言o依家身體未康復晒，不過自言目前好精神，自己冇為阿仔操心，反而阿仔就為佢操心。
| (右圖攝影：陳順禎) |  |  方父大病初癒，今日精神不俗，但他稱尚未完全康復。 |
 |  |
來源 source: http://hk.apple.nextmedia.com
|
鍾意就快D Share啦！
|
|
|
