鄧麗欣(Stephy)同方力申十年情告終，今日爆Stephy分手之後，去咗台灣「避世」四日之旅，有三日都同密友鄧衍敏(小牛)一齊過，小牛唔止同Stephy四圍去玩，仲o氹得Stephy好開心，不單止做柴可夫接送、又落手幫Stephy搬行李，同Stephy出去行街時，小牛喺買完嘢食之後又會落手拎，真係幾細心㗎!而且佢同Stephy都有共同興趣，就係打排球，據知二人有共同嗜好，Stephy身為排球隊Loey volly隊長，周刊稱Stephy上年9月先識小牛，未知係唔係被對方打動到，Stephy唔止同對方做密友，仲帶小牛去見佢啲好姊妹餅碎楊愛瑾(Miki)及歐文詩(Angela)，上年10月，小牛仲同佢哋一齊去日本旅行。據知呢位疑似新歡小牛係台灣排球健將，現年32歲，曾讀華僑高中、大觀國中，家境唔錯，小牛曾係中華女排主力戰將，早於2003年參加過南韓大邱世界大學運動會(世大運)，首次披中華民國隊戰衣，最終拎咗個銀牌，2005年又喺土耳其世大運奪得金牌；2007年曼谷、2009年貝爾格勒，直到2011年嘅深圳世大運，鄧衍敏都有出席，一共參加過5次，小牛在2012年亞錦賽宣佈退役。小牛大約在3年幾前轉任教練，喺上年開始以中華女排教練身分，再度現身世大運，將奪金牌嘅經驗同學妹分享，見佢都幾受學妹歡迎，小牛喺個人facebook亦貼出好多同學妹嘅合照，以及比賽嘅相，上年曾傳小牛十同網球手莊佳容拍拖。曾有台灣報道訪問過小牛，佢有一個夢想，就係朝國際教練嘅方向發展，學習各國訓練方式同戰術，可以推動台灣排球隊前進。咁有理想、咁有目標，唔知係唔係Stephy喜歡嘅類型!
|
鍾意就快D Share啦！
|
|
|
