網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年3月20日 星期日

【一提克羣即黑面】啟山冇份 谷胸超蓮約大陸富二代去ball __,富二代,中國,大陸,何超蓮,超蓮,

第二屆amfAR慈善晚會今晚喺邵氏片場舉行,何家幾乎總動員到場,力撐任主席嘅何超瓊。不過三房嘅超雲因抱恙缺席,問唔到係咪真係開綠粒俾陳山聰求復合添。超雲缺席,但有超蓮頂住。已經好耐好耐冇騷胸、改為主力晒長腿嘅超蓮,今晚竟然轉移大家視線——齊齊push上去,嗚哇,熟晒喇……成熟個熟,立下眼仲有幾分似超雲添…記者笑指超蓮今晚巧性感喎,佢就謙稱只係為咗尊重大會,而且都做足安全措施喇。講到今晚何家舉家出動 ...




其他影片:>>






第二屆amfAR慈善晚會今晚喺邵氏片場舉行,何家幾乎總動員到場,力撐任主席嘅何超瓊。不過三房嘅超雲因抱恙缺席,問唔到係咪真係開綠粒俾陳山聰求復合添。超雲缺席,但有超蓮頂住。已經好耐好耐冇騷胸、改為主力晒長腿嘅超蓮,今晚竟然轉移大家視線——齊齊push上去,嗚哇,熟晒喇……成熟個熟,立下眼仲有幾分似超雲添…記者笑指超蓮今晚巧性感喎,佢就謙稱只係為咗尊重大會,而且都做足安全措施喇。講到今晚何家舉家出動,佢就笑言:「支持大家姐吖嘛!」見親超蓮,例必問其感情生活啦,除咗霍啟山同大陸富二代劉根森,最早排超蓮又被拍到同舊愛吳克羣現身台灣……七國咁亂。超蓮例牌笑笑口話依家單身啦,咁今晚有冇邀請啟山?佢就話:「就算係都係大家姐請啦,我張枱冇。」但係,留意番,今晚劉根森都有嚟喎……超蓮即指住身邊嘅猷啟話:「係佢朋友。」又話:「男同女唔一定係男女朋友嘅,都可以係異性好朋友0架嘛。」直接問超蓮依家有幾多人追?「哎呀,唔講呢啲喇。」有冇10個?「唔話你知!」係咪仲揀緊?超蓮話:「我依家工作為重。」但三太都忍唔住爆你多人追喎!超蓮嚇一跳:「乜佢有咁樣講過咩?」猷啟即幫手拆招:「女仔應該多人追嘅。」咁猷啟有冇幫下眼?佢笑笑口話:「佢ok 0架喇,佢未揀到。」咁覺得啟山點?猷啟就交番個波俾超蓮,超蓮就大耍太極:「會揀,會揀下0架喇。」但你哋一齊去旅行喎,係咪俾佢高啲分先?超蓮就解釋謂只係同班朋友去旅行,去到咁啱撞到啟山啫!呢啲仲唔係緣份?問埋呢個——ex吳克羣。問超蓮兩人可是復合?超蓮微一變色,少少黑面咁啦:「唔講呢啲。」

何家二三四房大合照,力撐超瓊。(右圖攝影:仇志德、葉君海) 到喇到喇!
嘩!!!!! 已經做好晒預防措施,唔使擔心!
正面睇真係好「胸湧」
劉根森
對上一次超蓮著成咁,已經係近3年前嘅事 2010年

鍾意就快D Share啦!