梁靖琪操出第二春 秘撻巨胸新歡
無綫藝人梁靖琪（Toby），自2014年初與結婚半年的富貴老公Aaron離婚後，身邊一直不乏追求者，近年迷上健身的她，原來最近搭上貌似溫家偉的「巨胸」新歡陳基燊，二人拍拖短短數月已打得火熱。日前Toby於銅鑼灣一間餐廳傾公事，男友全程陪伴在側，離開時，Toby即使被記者撞破拍拖，心情大靚的她也不禁甜笑，表現風騷！
現年33歲的藝人梁靖琪（Toby）為無綫前製作總監梁家樹的女兒，她於2011年尾與拍拖唔夠一年的富貴男友黃敏豪（Aaron）拉埋天窗，期間有指與吳卓羲在外地拍攝節目時傳緋聞，事後Toby已否認其事，但不久便爆出離婚消息，她仍表示兩人再見亦是朋友。「失婚」兩年的Toby，近年愛上健身及打泰拳，瞬間變成「大隻妹」，一直未有新戀情的她，原來早已搭上一名身材高大、同樣熱愛「操肌」、貌似溫家偉的「巨胸」新歡陳基燊，兩人有共同嗜好，很快便「操」出感情來。
跟得男友陪坐
雖然拍拖只有短短幾個月，但已打得火熱，Toby吸收上次經歷，今次拍拖不想高調，身邊幾位好姊妹佘詩曼、湯盈盈、文頌嫻等對她十分支持，齊齊「封口」守秘密，對二人戀情隻字不提。據知，Toby與新男友陳基燊是認識多年的朋友，而男方一直對Toby有好感，終等到Toby回復單身才展開追求。
日前下午3時半，Toby與一男性朋友於銅鑼灣COVA餐廳high tea順便洽談公事，未幾見其男友前來會合，後來再有兩名男女友人加入。席間Toby與朋友交談時，男友全程坐在旁邊細心聆聽。眾人傾足兩個多小時才捨得走人，Toby負責埋單，男友先行步出餐廳，身穿牛仔上衣的陳基燊，胸肌十分澎湃，幾乎逼爆衫鈕，身材健碩的他與「大隻妹」Toby可謂十分合襯。
低調處理戀事
緊隨其後的Toby甫見記者拍照，即急急戴上黑超，然後施施然行到男友身邊，兩人有點避忌未有親密舉動，但沒有刻意迴避鏡頭，心情大靚的Toby更全程笑笑口。其後眾人搭扶手電梯往下層，Toby埋櫃台蓋停車場票時，男友即往升降機口撳定升降機等，盡顯細心一面，之後齊齊往停車場取車離開。
記者昨日就與「巨胸」新歡陳基燊戀情一事致電Toby，身在外地的Toby沒否認戀情，並說：「我哋係識咗好多年嘅朋友，感情嘅事唔想多講，低調處理，唔想高調。」
文、攝：追蹤組
|
鍾意就快D Share啦！
|
|
|
