楊怡與羅仲謙秘密到倫敦影婚紗相及訂婚，兩口子先訂婚，待回港後再註冊。圍村人兼自認思想傳統嘅謙謙話過結婚一定公開，估計兩人返港後可能宣佈喜訊都講唔定0架！下午5時17分，楊怡以短訊回覆道:「我現在放假中，多謝關心，回來再講。」還送上心心添!未幾羅仲謙亦親回覆《蘋果》表示:「我依家放緊假呀，有咩野就返香港先再講啦，多謝大家關心。」夾過晒喎。楊怡下周一才返港出席大台新劇《末代御醫》宣傳，屆時會唔會公開都仲未知，不過家姐楊卓娜原來早於22號已經洩露玄機，原來楊卓娜兩公婆，仲有楊媽媽都一齊飛咗去英國，見證愛女同謙謙呢個人生重要時刻！口密嘅楊卓娜，喺fb寫道:「倫敦的天氣靚到冇朋友!終於到了工作的時刻!要努力!要靚靚!」以「開工」作掩飾——但開工帶埋媽媽同老公，就有啲離奇……相中未見楊怡同謙謙身影，但就有全英國第二最古老的大教堂——Rochester Cathedral，這大教堂位於距離倫敦不遠的小鎮Rochester，亦是狄更斯度晚年的地方。Rochester Cathedral建於604AD，現今模樣為10世紀時由法籍修士監督修建，一磚一石都有千年歷史，結合羅馬式建築及後期歌德式風格，莊嚴瑰麗，亦吸引不少遊客，估計楊怡同謙謙就係喺呢間教堂影婚紗相。楊卓娜另一張相，背景係距離Rochester Cathedral約21分鐘車程嘅利茲普城堡(Leeds Castle)，是英國最古老的城堡，座落於英國南部Maidstone附近，由法國人興建，已有逾900年歷史，不少準新人都愛到這裡影結婚相，或者舉行婚禮。如果要包起古堡舉行婚禮，需約15,000英鎊(約需16萬港元)；過夜都仲得，每位客人只需付300英鎊(約3,300港元)而古堡裡最出名是迷宮Maze，建於1987年，以2,400棵紫松樹種植而成；入到去不辨東南西北，令人流連忘返0架。
| 楊怡心心回應：「我現在放假中，多謝關心，回來再講。」 |  羅仲謙嘅回覆同楊怡相若 |  疑是舉行訂婚儀式的利茲普城堡(Leeds Castle)。 |
 楊卓娜FB |  楊卓娜與母留影的地方，就是Rochester Cathedral。 |  楊卓娜與老公 |
 Rochester Cathedral (Rochester Cathedral 官方fb) |  Leeds Castle(互聯網圖片) |  就係呢個大迷宮喇！(互聯網圖片) |
|
鍾意就快D Share啦！
|
|
|
