| 田蕊妮母親將於今晚以基督儀式進行安息禮。 | next 1/1 pre |
 | |
| 田蕊妮母親早前因癌病逝世。 | next 1/1 pre |
 | |
| 杜汶澤陪伴田蕊妮到場，兩人神情哀傷。 | next 1/1 pre |
 | |
| 田蕊妮樣子憔悴、雙眼通紅。 | next 1/1 pre |
 | |
| 杜汶澤陪伴田蕊妮仰望田母遺照。 | next 1/1 pre |
 | |
| 及後，兩人到後堂瞻仰遺容。 | next 1/1 pre |
 | |
| 田蕊妮步出時一臉哀傷。 | next 1/1 pre |
 | |
| 阿田不斷用手巾拭淚。 | next 1/1 pre |
 | |
| 田蕊妮爸爸同樣一面哀傷。 | next 1/1 pre |
 | |
| 田蕊妮向爸爸問好。 | next 1/1 pre |
 | |
| 田蕊妮爸爸向愛妻道別。 | next 1/1 pre |
 | |
| 杜汶澤話會盡量抽時間陪伴田蕊妮。 | next 1/1 pre |
 | |
| 圈中人送上花牌致祭。 | next 1/1 pre |
 | |
| 圈中人送上花牌致祭。 | next 1/1 pre |
 | |
| next 1/1 pre | |
無綫花旦田蕊妮的母親韓美枝早前因癌病逝世，田母今晚於紅磡萬國殯儀館孝思堂以基督儀式進行安息禮，明日將舉行大殮，靈堂以白色布置為主，不少圈中人亦送上花牌包括張敬軒、蔡卓妍、鍾欣潼、樂易玲等。
下午四時田蕊妮與老公杜汶澤到達殯儀館，兩人一身素服，田蕊妮樣子憔悴雙眼通紅，兩人停下拍照後即步入靈堂，田蕊妮表示：「有心！有心！」
田蕊妮在靈堂視察打點，她望着母親的靈堂照，忍不住要以手巾拭眼淚，隨後到後堂瞻仰遺容，步出時一臉哀傷。
勸阿田投入工作
其後杜汶澤在殯儀館外接受訪，問到田蕊妮的心情？他說：「雖然大家都明白呢個係人生必經嘅階段，但當發生嗰陣亦唔係咁容易去面對，需要啲時間。（你心情點？）我都係咁啦，雖然我咁嘅年紀都開始需要面對呢啲情況。（田母有冇遺願？）其實佢有病都幾年，有人會覺得佢走得太早，唔應該咁早離開。因為佢係癌病離開，令到我哋有時間去預備，件事並唔係咁突然，有時間去準備，有多啲空間畀大家，呢幾年大家都好珍惜，一齊去旅行、一齊食飯。（有冇遺願？）呢幾年佢阿哥生咗小朋友，對佢嚟講係開心可以抱孫，好安樂。（會唔會停工陪阿田？）自己宣傳緊電影，佢亦都拍緊劇，佢接呢套劇之前大家亦都研究接唔接好，我就鼓勵佢照樣工作，雖然套劇會牽涉到好多人，影響到人哋就唔好，但係每日有24小時，除咗瞓覺嗰六、七個鐘，其他時間用嚟傷心，倒不如將時間放喺工作上，咁反而會好過啲。（抽多啲時間陪阿田？）之前大阪電影節都冇去，呢排除咗基本電影宣傳，其他謝票、慶功都唔會去。（會唔會接田爸爸一齊住？）佢想同個孫一齊住多啲，孫係緊要過啲仔女。」
|
鍾意就快D Share啦！
|
|
|
